Нархи патент дар Русия боз қиммат мешавад
Нархи патент дар Русия боз қиммат мешавад
Нархи патент барои муҳоҷирон дар шаҳри Москва соли 2025 тақрибан 20% зиёд шуда, ба 8900 рубл мерасад.
Дар ин бора шаҳрдори пойтахти Русия Сергей Собянин хабар дод.
Ба гуфтаи Собянин, арзиши андозҳое, ки муҳоҷирон пардохт мекунанд, бояд бо маблағе, ки худи русҳо аз даромадашон мепардозанд, муқоиса шавад, то баробарӣ риоя карда шавад.
“Имрӯз пардохти моҳонаи патент 7500 рублро ташкил медиҳад, аммо аз 1 январ он 8900 рубл мешавад”, — гуфтааст шаҳрдори Москва.
Ба гуфтаи ӯ, ин тадбир имкон медиҳад, ки хароҷоти корфармоён барои муҳоҷирон ва шаҳрвандони Русия баробар шавад.
Гуфта мешавад, ки аз соли нав арзиши патент тақрибан дар ҳамаи минтақаҳои Русия боло меравад. Аз ҷумла, дар Санкт-Петербург арзиши патент аз 4600 то 6 ҳазор рубл дар як моҳ зиёд мешавад.
