Суал-жаваб

Гирами Калам шлихьна гьапlуб ву?

Гирами Калам Аллагьу Тааьлайи Мугьяммад пайгъамбарихьна гьапlуб ву.

Гирами Калам Пайгъамбарихьна ﷺ гъурубкьур фуж ву?

Аллагьу Тааьлайи назил гъапlу гирами Калам Жабраил малаикдихьанмина Пайгъамбарихьна ﷺ гъафну.

Швнуд йисандин арайиъ гирами Калам назил гъабхьну?

Гирами Калам 23 йисандин муддатнаъ назил гъабхьну.

Мекка шагьриъ айиган Пайгъамбариз фукьан вахтнан арайиъ вагь’ю гъюри гъабхьну?

Пайгъамбарихьнаﷺ Меккайиъ 13 йисандин арайиъ вагь’ю гъюри гъабхьну.

Медина шагьриъ швнуд йисандин арайиъ Пайгъамбарихьна ﷺ сурйир назил шули гъахьну?

Мадинайиъ гирами Каламдин сурйир 10 йисандин арайиъ назил шули гъахьну.

Гирами Калам бикlуб шлин амриинди гъабхьну?

Гирами Калам бикlуз Абу Бакар Сиддикьди табшурмиш гъапlну.

Абу Бакарин табшуругъниинди гирами Калам саб китабдиз уч апlури, швнур асгьяб иштирак гъахьну?

Думу ужувлан ляхниъ 75 асгьяб иштирак гъахьну.

Усман асгьябди гьязур гъапlу гирами Каламдин дафтрарикан гъийин йигъаз швнуб ими?

Гъийин йигъаз Усман асгьябди гьязур гъапlу гирами Каламдин кьюб дафтар ими, дурарикан саб - Ташкентдиъ, тмунубсана - Стамбулиъ.

Меккайиъ швнуб сура назил гъахьну?

Меккайиъ 86 сура назил гъахьну.

Мединайиъ айиган, швнуб сура назил гъахьну?

Мединайиъ айиган, 28 сура назил гъахьну.

Гирами Каламдиъ швнуб жуз а?

Гирами Каламдиъ 30 жуз а.

Гирами Каламдиъ швнуб аят а?

Гирами Каламдиъ 6236 аят а.

Гирами Каламдин фуну сура «Бисмиллагь» дарди ккебгъра?

«ат-Тавба» сура (9 сура) «Бисмиллагь» адарди ккебгъра.

Гирами Каламдиъ фицдар малаикарин ччвурар кlваин дапlна?

Гирами Каламдиъ 5 малаикдин ччвурар кlваин дапlна: Жабраил, Микаил, Гьарут, Марут, Малик.

Варитlан артухъ гирами Каламдиъ фуну пайгъамбарин ччвур кlваин дапlна?

Гирами Каламдиъ варитlан артухъ Муса пайгъамбарин ччвур кIваин дапIна – 136 ражари.

2026-08-01 (Сафар 1448 г.) №8.

Суал: Узуз ул апlбаан гизаф зарар шулазуз: кlул иццру шулайиз, машнаан лап уьру шулза. Дициб вахтна я ляхниз гъягъюз, ясана фукlа жараб апlуз шуладарзухьан. Узуз фицдар дюъйирикан кюмек шуйкlан? Жаваб: قال النبي صلى الله عليه وسلم: "العَيْنُ حَقٌّ وَلَوْ كَانَ شَيْءٌ سَابَقَ...

Ислам диндиъ сари тмунуриз кюмек апIинай, дупна, гьелбетда, фужкIа саб читин гьялнаъ айи вахтна. Гьацдар кюмек апIуваларикан саб, инсан читин гьялнаъ ахъган, дугъахьна буржди пул тувувал ву. Аьбдуллагь Ибн Уьмари Пайгъамбарин ﷺ гафар хура: «Мусурман мусурмандиз гъардаш ву, ва дугъу...

Ассаламу аьлейкум, йиз дагълу халкь! Му макьала бикlурайир уьмрин саб кьадар тажруба айи, гизаф йисари жямяаьтдин кlакIнаъ ади гъахьи ва гъийин девриъ саспи ляхнариин мюгьтал духьнайи яшлу кас ву. Му макьалайиъ сацlиб жигьиларин алахьру ккурттарикан улхуз ккундузуз. Хъа му палат...

«Аллагьу Тааьлайин назарлувал жямяаьтдиин алиб ву», «Инсанарикан варитlан багьалур – жямяаьтдиз хайирлу кас ву», «Хайир-берекет яшлу ксарилан бихъруб ву», «Аьлим гьадму кас вуки, чаз фу аьгъяш, гьациб аьмалра апlурайир». Пайгъамбарин ﷺ гьаму...

Имандин нур чан кlваъ айи муъминди Аллагьдихъди гъабхру сюгьбат ву гъудган. Муъмин касдиз айи нурлу имандин Маракьлу мурхьул ву, йиз дустар, гъудган. Гукни сесниинди кlураза гафар: Жегьеннемдин цlихьан уьрхява, Аллагь. Ккун апlури гьачlарккназа йиз хилар: Учуз женнет кьисмат апlин,...

Суал-жаваб