Ҝәнҹлијин алты оғрусу
Јашыны мүәјјәнләшдирмәк практики олараг мүмкүн олмајан гадынлар вар: 25, 28, 30 вә ја 35? Јалныз тәхмин етмәк олар. Ҝәнҹлијин сирри нәдәдир?
Хејр, сөһбәт һиалурон туршусу инјексијалары, дәријә баһалы гуллуг мәһсүллары вә ја һәтта ҝенетикадан ҝетмир. Һәр шеј низам-интизам вә өз үзәриндә ишләмәкдән ибарәтдир.
Бир чохумуз һәр ҝүн өз тәравәтимизи вә ҝәнҹлијимизи ширин булкалара, әјрилмиш онурғаја вә сағлам олмајан јухулара дәјиширик. Ҝәнҹлијимизи һәр ҝүн һансы вәрдишләр оғурлајыр?
Ширнијјат јејәнләр даһа тез гоҹалырлар
Бу һәгигәти етираф етмәк нә гәдәр аҹынаҹаглы олса да, ширнијјата һәвәс тәкҹә артыг чәкијә дејил, һәм дә дәринин сүрәтлә гоҹалмасына сәбәб олур. Шәкәр истеһлакы бәдәнин гликасијасына ҝәтирир. Бу дағыдыҹы просес шәкәр молекулларынын һүҹејрәләрин зүлал лифләринә бағланмасы илә әлагәдардыр. Гликасија нәтиҹәсиндә дәри еластиклијини итирир, шишир, инҹә гырышларла өртүлүр.
Отураг һәјат тәрзи
Әҝәр биз һәр һансы бир физики фәалијјәтдән һәр шәкилдә гачырыгса, онда сағлам, парлаг дәрини унутмаг олар. Физики мәшг маддәләр мүбадиләсини јахшылашдырыр вә дәринин јениләнмәсини стимуллашдырыр, бунун сајәсиндә о, даһа һамар олур. “Әзәләләрин иши онларын даралмаларына ҹаваб олараг, коллаҝен вә еластин истеһсалында иштирак едән фибробластларын бирләшдириҹи тохума һүҹејрәләринин бөлүнмәсини вә бөјүмәсини артыран мијокин зүлалларынын истеһсалыны стимуллашдырыр. Нә гәдәр чох фибробласт мејдана ҝәлирсә, дәри бир о гәдәр даһа еластик олур”, - дејир дерматолог һәким Јевҝенија Седина.
Тамдәјәрли јухунун олмамасы
Дојунҹа јатмамаг - ҝәнҹлијимизин әсас дүшмәнләриндән биридир. Сүбут едилмишдир ки, һәтта тамдәјәрли истираһәтсиз бир нечә ҝүн дә дәријә тәсир ҝөстәрир. Корејада ҝениш мигјаслы тәдгигатлар апарылмышдыр: гырх јашлы вә даһа бөјүк гадынлар бир һәфтә јуху чатышмазлығы кечирмишләр (ҝеҹә 4 саат јатмышлар). Артыг тәҹрүбәнин ики ҝүнүндән сонра иштиракчыларын дәрисиндә јашла бағлы дәјишикликләр даһа парлаг ҝөрүнмәјә башламыш, дәринин нәмләнмә дәрәҹәси хејли азалмышдыр.
Пис дуруш (гамәт)
Бир шејә ашағы нә гәдәр бахырыг? Компүтер архасында ишләјәркән, сосиал шәбәкәләрдә кимсә илә месажлашаркән биз бу вәзијјәтдә узун мүддәт донуб галырыг. Бу, бојун хәттинин ајдынлығыны итирмәсинә сәбәб олур. Әјилмәк бојун вә чәнә әзәләләрини зәифләдир. Зәиф дурушла сыхылмыш синә үзәриндәки дәринин бошалмасына ҝәтириб чыхарыр.
Галын макијаж гаты
Тонал крем, өртүҹү, бронзер, һејкәлтәраш, маје әнлик, ишыгландырыҹы – сеһрә бәнзәр бу сөзләр мүасир гызлар үчүн ади бир ишдир. Анҹаг бу тәркибләрин һамысында Менделејев бүтөв дөври ҹәдвәли вар. Дәридә онларын һәддиндән артыг мигдары онун вахтындан әввәл гоҹалмасына сәбәб олур.
Јуху үчүн голајсыз вәзијјәт
Үзүнүзү јастыға сөјкәјиб гарны үстә јатмаг вәрдиши вахтындан әввәл гырышларын јаранмасына көмәк едир, косметологлар хәбәрдарлыг едирләр. Ҝеҹә истираһәтиндә, әлбәттә ки, арха вә ја јан тәрәфдә јатмаг јахшыдыр. Јан тәрәфдә даһа тәһлүкәсиз јатмаг үчүн “ҝөзәллик јастыглары” адланан хүсуси силикон бојун вә үз јастыгларындан (накладки) истифадә етмәк олар. Онлар әсас јуху јастығы илә дәри арасында һәддиндән артыг тәзјигә јол вермирләр.
