Пејғәмбәр ﷺ шејтан һаггында нә демишдир?
Бәшәр нәслинә мүнасибәтдә шејтанын дүшмәнчилији һаггында ҝениш мәлумат вар. Инсана пахыллыг, һәсәд ону мәһв вә Рәбби мәрһәмәтиндән мәһрум етмишдир. Шејтан анд ичмишдир ки, Ахирәт ҝүнүнә гәдәр Адәм өвладларына зијан төрәдәҹәкдир.
Буна ҝөрә дә Аллаһ-Тәала вә Онун Елчиләри инсаны Рәббинә имандан дөндәрмәјә, Аллаһ ﷻ мәрһәмәтиндән ону мәһрум едиб Ҹәһәннәм дәринликләринә салмаға чалышан иблисин фитнә-фәсадындан сағындырыб горујурдулар. Пејғәмбәрләрин сонунҹусу – Муһәммәд ﷺ Пејғәмбәр шејтан һаггында нә демишдир?
Шејтанларын нөвләри
Аишәдән Аллаһ Рәсулунун ﷺ сөзләри нәгл олунур:
“Мәләкләр ишыгдан (нурдан), ҹинләр – тәмиз аловдан, Адәм исә – сизә дејиләндән јарадылмышдырﷻ” (имамлар Мүслим, Әһмәд, Ибн Һиббан гејд етмишләр).
(ﷻ) Бурада Гуран ајәси нәзәрдә тутулур ки, орада дејилмишдир: “Адәм вә онун өвладларыны Аллаһ торпагдан јаратмышдыр...” (Та һа сурәси 55-ҹи ајәсинин мәнасы, тәфсир “әл-Мүнтәхәб”).
Пејғәмбәр ﷺ һәмчинин демишдир:
“Ҹинләрин үч нөвү вар: бириләринин ганадлары вар вә һавада учурлар, о бириләри илан вә ит (сурәтинә ҝирирләр), үчүнҹүләри исә – ҝаһ һарадаса мәскунлашыр, ҝаһ да ҝедирләр” (имамлар әт-Тәбәрани, әл-Бејһәки, Ибн Һиббан сөјләмишләр).
Шејтанын фитнә-фәсады
Әбу Саиддән мәлумат верилир ки, Аллаһын Елчиси ﷺ демишдир:
“Һәгигәтән, шејтан демишдир: “Әзәмәтинә анд олсун, ја Рәбби, гулларынын руһлары онларын бәдәнләриндә олунҹа мән онлары јолдан чыхараҹағам!” Рәбби ﷻ исә ҹаваб вермишдир: “Өз Әзәмәтимә вә Гүдрәтимә анд олсун ки, онлар Мәндән бағышланмаларыны диләдикҹә Мән онлары бағышлајаҹағам!” (имамлар Әһмәд, әл-Һаким, Әбу Јалә).
Әнас ибн Маликдән нәгл олунур ки, Пејғәмбәр ﷺ демишдир:
“Доғрудан да, шејтан инсан (бәдәниндә) ган кими һәрәкәт едир” (имамлар әл-Бухари вә Мүслим ҝәтирмишләр).
Һәм дә Рәсулүллаһ ﷺ демишдир:
“Доғрудан да, шејтан (инсана дахил олур) вә инсан бәдәниндә ган кими орада һәр јерә јајылараг һәрәкәт едир, вә, доғрудан да, мән горхдум ки, о сизин гәлбләринизә нәсә пис бир шеј салар” (имам әл-Бухари).
Муһәммәд ﷺ Пејғәмбәр демишдир:
“Һәр бир инсанын доғулдуғу ҝүн шејтан она тохунур, вә онун тохунмасындан ушаг чығырмаға башлајыр. Вә о, Мәрјәм вә онун оғлундан (Иса пејғәмбәрдән) башга һәр кәсә тохунмушдур” (имамлар әл-Бухари вә Мүслим ҝәтирмишләр).
Ҹабирдән хәбәр верилир ки, Пејғәмбәр ﷺ демишдир:
“Доғрудан да, шејтан һәтта јемәк вахты инсаны тәрк етмәјәрәк һәр биринизин јанындадыр. Вә әҝәр сизләрдән кимсә једијиндән нәјисә әлиндән дүшүрсә, ону тәмизләјиб јесин ки, шејтана галмасын. Јејиб гуртаранда исә әлләринин бармагларыны јаласын, чүнки, һәгигәтән, о, јемәјинин һансы тикәсиндә бәрәкәт ҝизләндијини билмир” (имам Мүслим).
Үбеј ибн Кәаб Аллаһ Рәсулунун ﷺ сөзләрини нәгл едир:
“Доғрудан да, дәстәмазын шејтаны вар ки, ону Вәләһән адландырырлар. Сујун аздырмасындан чәкинин!” (имамлар әт-Тирмизи вә Ибн Мәҹа ҝәтирмишләр).
Әбу Һүрејрә Рәсулүллаһын ﷺ сөзләрини чатдырыр:
“Доғрудан да, шејтан биринизин јанына ҝәлиб намазын нечә (рәкәтини) гылдыҹыны билмәјинҹә ону чашдырмаға чалышыр. Вә әҝәр сизләрдән кимсә белә шеј һисс етсә, (намазын сонунда) салам сөзләрини сөјләјинҹә ики дәфә сүҹуд етсин, сонра исә салам сөјләсин” (имамлар әт-Тирмизи вә Ибн Мәҹа).
Әбу Һүрејрәдән сөјләнмиш һәдисдә хәбәр верилир ки, Муһәммәд ﷺ Пејғәмбәр демишдир:
“Бу јахынларда бир ҹин мәни һушдан салмаг истәјирди (Бу һәдисин башга вариантында “намазымы дајандырмаг истәјирди” дејилмишдир), лакин Аллаһ мәнә ҝүҹ верди вә мән ону тутдум. Әввәлҹә мән ону мәсҹид сүтунларындан биринә бағламаг истәдим ки, һамыныз она баха биләсиниз, лакин, өз гардашым Сүлејманын: “Рәббим, мәни бағышла вә мәнә елә һакимијјәт вер ки, мәндән сонра һеч кимдә олмасын” сөзләри јадыма дүшәндә Аллаһ һәмән ҹини тәһгир олунмуш һалда бурахды” (имамлар әл-Бухари вә Мүслим вермишләр).
давамы вар
