Рәҹәб ајы һаггында 10 гәрибә факт

Рәҹәб ајы – Рамазандан габаг ҝәлән ајлардан биридир, онун һәр бир ҝүнү исә илин ән хүсуси ҝүнләринә һазырлајыб ҝәтирән пилләдир. Өзүмүздә дүзҝүн мәнәви мүнасибәти ҹанландырмаг вә ибадәтә даһа да шөвглә јанашмаг үчүн мүбарәк Рәҹәб ајынын әһәмијјәтини вә өзәллијини гејд едәк:

1. Рәҹәб – дөрд мүгәддәс ајдан биридир ки, онлар һаггында Гуранда дејилиб: “Һәгигәтән Аллаһ јанында ајларын сајы он икидир. Аллаһ ҝөјләри вә јери јаратдығы ҝүн Китабда белә јазылмышды. Онлардан дөрдү – һарам ајлардыр” (9:36). Пејғәмбәр ﷺ һәдисиндә дә беләдир: “Вахт өз әввәлки вәзијјәтинә гајытды, Аллаһ ﷻ ҝөјләри вә јери јараданда олдуғу кими; ил он ики ајдан ибарәтдир ки, онлардан дөрдү мүгәддәсдир. Онларын үчү ардыҹыл јерләшир: Зүлгәдә, Зүлһиҹҹә вә әл-Мүһәррәм, дөрдүнҹүсү исә Рәҹәбдир ”.
2. Рәҹәб ајыны кар адландырырлар, чүнки о, Аллаһ ﷻ гулларынын итаәткарлығыны ҝөрүр, анҹаг онларын ҝүнаһларыны ешитмир.
3. Рәвајәтә әсасән, Рәҹәб ајы баша чатандан сонра ҝөјә галхар, вә Уҹа Аллаһ ондан сорушар: “Гулларым сәнә лазыми һөрмәт вә еһтирам ҝөстәрдиләрми?” Рәҹәб ајы дејәр: “Јараданда Сән мәнә бујурдун: “Гулларымын ҝүнаһларыны ҝизләт”. Сәнин пејғәмбәрләрин исә мәнә кар дедиләр. Ҹәбраил дејәр: “Бөјүк Аллаһ-Тәала Мүһәммәд ﷺ үммәтини бағышлады”. Аллаһ ﷻ дејәр: “Ҹәбраил дүз дејир”.
4. Рәҹәб ајында бир нечә хүсуси мәрһәлә вар ки, јалварышларымызын гәбул олунмасына даһа бөјүк еһтимал вар. Бунлар: Рәҹәб ајынын биринҹи ҝеҹәси вә Рәһаиб ҝеҹәсидир.
5. Рәҹәб ајынын һәр ҝеҹәсиндә Аллаһ-Тәала дејир: “Рәҹәб – Мәним ајымдыр. Гуллар исә – Мәним гулларымдыр. Мәрһәмәт – Мәндәндир. Ҹәннәт – Мәним онлара һәдијјәмдир”. Бу ајын ахырынҹы ҝеҹәсиндә Аллаһ ﷻ дејир: “Төвбә етмәк истәјән кимсә вармы? Мән гәбул етмәјә һазырам. Дуа илә мүраҹиәт етмәк истәјән кимсә вармы? Мән ҹаваб вермәјә һазырам. Бағышланмағыны диләмәк истәјән вармы? Мән бағышламаға һазырам”.
6. Рәҹәб ајында бир әһәмијјәтли һадисә баш вермишдир – Мүһәммәд Пејғәмбәр ﷺ Мәккәдән Әл-Гүдсә (Јәрусәлимә) кечмиш вә Ҝөјләрә јүксәлмишдир. Бир әҹаиб ҝеҹә әрзиндә Пејғәмбәрин ﷺ башына чохлу гәрибә ишләр ҝәлиб: Ҹәбраил  Мүһәммәд ﷺ  Пејғәмбәрин синәсини јарыб онун үрәјини чыхарыр, ону һикмәт вә динлә долдурур, Бураг адлы ат үстүндә о, үч шәһәри сәјаһәт едир, һәрәсиндә дә намаз гылыр, Мәбәд дағында о бири пејғәмбәрләрлә ҝөрүшүр. Ҝөјә галхыр. Рәҹәб ајынын бу ҝеҹәсиндә даһа бир чох мөҹүзәләр баш вермишдир.
7. Рәҹәб ајынын Мераҹ ҝүнүндә оруҹ тутан шәхс јүз ил оруҹ тутуб ибадәт едән кими олаҹагдыр. Һәдисдә дејилмишдир: “Рәҹәб ајында бир (хүсуси) ҝүн вә бир (хүсуси) ҝеҹә вар, вә бу, ајын ијирми једдинҹи ҝеҹәсидир. Бу ҝүндә оруҹ тутуб ҝеҹәни ибадәтдә кечирән адам јүз ил оруҹ тутуб ибадәт едән шәхсә бәрабәр олаҹагдыр”.
8. Рәҹәб ајынын һәр ҝүнүндә оруҹ бир ај әрзиндә едилмиш ҝүнаһларын бағышланмасыдыр. Бу барәдә Мүһәммәд ﷺ Пејғәмбәрин һәдисиндә дејилмишдир.
9. Рәҹәбдә оруҹ – Пејғәмбәр ﷺ сүннәсидир, анҹаг Пејғәмбәр ﷺ бу ајда һәмишә оруҹ тутмамышдыр. “Бәзи илләрдә Аллаһ Елчиси ﷺ  Рәҹәб ајында елә узун мүддәт оруҹ тутарды ки, биз фикирләширдик ки, о оруҹуну даһа һеч вахт кәсмәз. Бәзи илләрдә исә о, Рәҹәб ајында елә узун мүддәт оруҹ тутмазды ки, биз дүшүнүрдүк ки, үмумијјәтлә о, оруҹ тутмајаҹагмы”.
10. Рәҹәб ајында охунан хүсуси дуа “Мүстәҹабдыр”.