Оруҹлуға ҝөрә 5 мүкафат

Рәҹәб ајы ҝәлди – Мәрһәмәтли Аллаһдан ﷻ бәрәкәт ајы. Дөрд һарам ајдан бири олан Рәҹәбдә хејирхаһ ишләр үчүн бөјүк мүкафат вәд едилмишдир. Оруҹлуг (оруҹ тутмаг) – Аллаһын ﷻ ризасы наминә диндарын ҝөрдүјү гијмәтли әмәлләрдән биридир. Оруҹ тутан Сүннәтә әсасән һансы немәтләри әлдә едир?

Ҹәннәтә наил олма

Сәһиһ зәнҹирлә (иснад) имам Әһмәд вә Исфаһани Әбу Һүрејрәдән һәдис нәгл едирләр: “Аллаһын ризасына наил олмаг нијјәти илә оруҹ тутуб һәмин ҝүн вәфат едән кәс Ҹәннәтә дүшәҹәкдир”.

Ҹәһәннәм одундан мүдафиә

Имам Әһмәд әлБејһәкидән һәдис нәгл едир ки, орада дејилир: “Оруҹ тутмаг – Ҹәһәннәм одундан горујан сипәр (галхан) вә алынмаз галадыр”. Пејғәмбәрин ﷺ диҝәр кәламында дејилир: “Аллаһын ризасына наил олмаг мәгсәди илә бир ҝүн оруҹ тутаны О, Ҹәһәннәмдән елә мәсафәјә узаглашдыраҹагдыр ки, гузғун ону доғулушундан гоҹалыб өләнә гәдәр учуб гуртара билмәз” (имамлар Әһмәд, әл-Бејһәки, әтТәбәрани).

Гијамәт ҝүнүндә һавадарлыг

Һәдис дејир: “Оруҹ вә Гуран Мәһшәр ҝүнүндә Аллаһ бәндәсинә һавадар чыхыр (мүдафиә едир). Оруҹ дејир: “Рәббим! Мән ону ишыглы һиссәдә јемәк вә ичмәкдән мәһрум етдим, иҹазә вер она шәфаәт едим!”. Гуран исә бујурур: “Рәббим мәним! Мән ону ҝеҹә јухудан мәһрум етдим, иҹазә вер ону мүдафиә едим!” – вә онларын һавадарлығы тәмин олунур” (имам Әһмәд).

Рәббидән әвәз (мүкафат)

Рәсулүллаһ ﷺ демишдир: “Адәм оғлунун һәр бир хејирхаһ иши чохалаҹаг, јахшы әмәл үчүн ән кичик әвәз исә он гат олаҹагдыр, једди јүз дәфә арта да биләр. Мүтәал Аллаһ ﷻ бујурур: “Оруҹ мүстәсна олмаг шәрти илә, чүнки һәгигәтән, оруҹ мәним хатиримә тутулур, вә Мән онун әвәзини верәҹәјәм, чүнки инсан Мәним хатиримә өз истәкләрини тәмин етмәкдән вә өз јемәјиндән имтина едир!”...” (имам Мүслим).

Дуа гәбул олунур

Һәдисдә дејилир: “Дуасы рәдд олунмајан үч инсан катеҝоријасы вар: 1. оруҹ тутанын, оруҹуну ачана гәдәр; 2. әдаләтли һөкмдарын; 3. мәзлум инсанын” (имамлар Әһмәд вә әт-Тәбәрани).

ИБРАҺИМ ӘСӘДОВ