Пејғәмбәр дәрманы ичәҹәјәм
Пејғәмбәр дәрманы ичәҹәјәм
- Бу нәдир? - Ислам мәтбәхдә бал илә һансыса гара дәнәләри гарышдыран анасына јахынлашды.
- Бу, оғлум, гара зирә, бүтүн хәстәликләрин мүалиҹәсидир, бах будур, һамымыза гарышыг һазырлајаҹағам, ичиб хәстәләнмәјәҹәјик.
- Нәсә сеһрлидир, - Ислам шәрһ етди. - Бәс бу һарада битир?
- Бу, һәтта бизим Дағыстанда да битир. Анҹаг ону даһа тез-тез бизә мүхтәлиф өлкәләрдән ҝәтирирләр.
- Һансыларындан?
- Мәсәлән, Ефиопијадан.
Ислам бир зирә тохумунун дадыны бахды вә дәрһал ағыз-бурнуну бүздү:
- Бу елә аҹыдыр, ана.
- Бах буна ҝөрә дә мән ону бал илә гарышдырырам. Бундан әлавә, сән вә гардашын ону азҹа јејәҹәксиниз.
- Јох, јох, јох, мән ону үмумијјәтлә јемәјәҹәјәм.
- Ислам, ону һәтта јемәк дә лазым дејил, јарым чај гашығы илә тез үстүндән су ичәрсән - вә јарым саат јемә.
Ислам баша дүшдү ки, дәрман гәбул етмәкдән чәкинмәк олмаз.
- Ону узун мүддәт ичмәк лазымдыр?
- Бир ај, Ислам, сәһәр вә ахшам.
- Јох!
Ислам гәти гәрара ҝәлди ки, анасы ону белә мүалиҹәјә инандырмајаҹаг.
- Сән артыг узун мүддәтдир елә өскүрүрсән ки, мәним јахшы балам, сәни мүалиҹә етмәк үчүн нәјә әл атмамышам, ҝәл буна бахаг. Бәс евдә белә отурмаг јахшыдыр? Узун мүддәтдир ки, өскүрәјинә ҝөрә сәни ушаг бағчасына апара билмирәм.
Ислам ушаг бағчасы вә достлары үчүн чох дарыхырды. Тезликлә сағалыб ади һәјатына гајытмаг истәјирди, амма өскүрәк, хүсусән ахшамлар кечмирди. Ана аһ-вај едир, нә едәҹәјини билмир вә јени мүалиҹәјә башлајырды. Будур, бу дәфә дә о, гара зирә тохуму алыб “Пејғәмбәр дәрманы” китабындан ресептлә дәрман һазырлајырды.
- Сән билирсән,Ислам, ахы әввәлләр бүтүн бу дәрманлар, ијнәләр, дамҹысаланлар, бурун вә боғаз спрејләри јох иди. Әрәбләр әтрафда битәнләрлә мүалиҹә олунурдулар. Гара зирә тохумларыны Һиндистан вә Мисирдән карванлар ҝәтирирди вә әрәбләр Муһәммәд Пејғәмбәрин төвсијә етдији кими онлардан дәрман һазырлајырдылар. Онлар инди мәним сәнә һазырладығым ресептлә һазырлајырдылар.
- Муһәммәд Пејғәмбәр дә бу дәрманы ичмишдир?
- Бәли вә о, бизә онунла бүтүн хәстәликләрдән мүалиҹә олунмағы төвсијә етмишдир.
Әбу Һүрејрәдән өтүрүлән һәдисдә онун Аллаһ Рәсулунун ﷺ данышдығыны ешитдији билдирилир:
“Гара зирәдә өлүмдән башга һәр һансы бир хәстәлијин мүалиҹәси вар”. (Имам Әһмәд, 7557; Бухари, 5688; Мүслим, 2215; Ибн Мәҹаһ, 3447).
Билирсән, ону ичмәк - Муһәммәд Пејғәмбәр ﷺ кими етмәк демәкдир, јәни онун сүннәсини јеринә јетирмәкдир. Сән Муһәммәд Пејғәмбәри севирсәнми?
- Бәли, чох севирәм, - Ислам ҹаваб верди, һансы ки она тез-тез Пејғәмбәр һаггында, онун јахшы характери, бүтүн мүсәлманлара олан севҝиси барәдә данышырдылар.
- Ана, о бизә дә гара зирә илә мүалиҹә олунмағымызы сөјләјиб? О јашајанда биз ки һәлә јох идик.
- Мәним јахшы балам, о бүтүн мүсәлманлара гара зирә илә мүалиҹә олунмағы дејиб вә биз дә мүсәлманыг, әл-һәмду ли-ллаһ. Демәли о, буну бизә вә үмумијјәтлә, бүтүн мүсәлманлара, һәтта 1430 илдән сонра дүнјаја ҝәләҹәкләрә дә сөјләмишдир. Муһәммәд Пејғәмбәрин үммәти - дүнјадакы бүтүн мүсәлманлардыр. Биз чохуг, оғул.
Ана һәр һалда Исламы сәһәрләр гара зирә ичмәјә инандырды, ахшам исә атасы илә бирликдә мәмнунијјәтлә ичирди. Вә тәәҹҹүблү ишдир -өскүрәк тезликлә сәссизҹә јох олду.
- Ислам, фикир верирсәнми, бир нечә ҝүндүр өскүрмүрсән?
- Бәли, ана, гара зирә бүтүн хәстәликләри сағалдыр, инди буну дәгиг билирәм!
