Дүзҝүн һиҹаб
Дүзҝүн һиҹаб
әввәли гәзетин хтән сајында
3. Кишијә бәнзәмәмәли
Мүасирлијин хәстә габары. Вахт, артыг ҝөрдүјүмүз кими, ҹәмијјәтин мәнәви тәнәззүлүнүн јени үсуллары шәклиндә ҹансыхыҹы сүрпризләр, ҝөзләнилмәз “һәдијјәләр” тәгдим етмәкдән галмыр.
1960-ҹы илдә киши вә гадын палтары арасында онсуз да чәтинликлә ҝөрүнән фәрг һәддини силмәк мәгсәдилә “unisek” ады илә јени дизајн истигамәтинин мејдана чыхмасы сәс-күјлә гаршыланмышды. Сәрбәст тәрҹүмәдә “ҹинсијјәтсиз, гејри-ҹинси (еркәклик вә дишилик әламәти олмајан)” мәнасыны верән “unisek” сөзү биринҹи нөвбәдә о вахта гәдәр киши тајфасы нүмајәндәләринин: ковбојларын (Шимали Америкада атлы чобанлар), ади, гара фәһләләрин вә фабрик-завод фәһләләринин дәјишмәз атрибуту олан ҹинсләрдән ибарәтдир. Гығылҹымдан, коммунизмин атасы Ленинин габагҹадан хәбәр вердији кими, алов јанды вә мүхтәдиф ҹинсијјәт нүмајәндәләрини бирләшдирән стил (үслуб) габагҹадан дејилдији кими давам етди вә бу ҝүн гадынларын гардеробундан чох шејдән, принсип етибары илә, кишиләр дә истифадә едә биләрдиләр. Бураја шалварларын мүхтәлиф вариасијалары, палтарын идман хәтти вә бу кими ҝејимләр дахилдир, буна ҝөрә гардеробунуз үчүн бу вә ја диҝәр шеји сечәндә, һөрмәтли баҹылар, сон дәрәҹә диггәтли олун.
4. Диггәти ҹәлб етмәмәли
Биз артыг аз олса да палтар формасыны вә онун фасонуну (бичими, модели) арашдырдыг, буна ҝөрә дә онун рәнҝини диггәтсиз гојмаг әдаләтсиз оларды. Һиҹаб әсасән биррәнҝли олмалыдыр, јахшы оларды ки, боз рәнҝдә вә ја она охшар чаларларда олсун, лакин әсла, гәти сурәтдә рәнҝарәнҝ, ҝөј гуршағы кими, вә јахуд һәддиндән артыг парлаг, гырмызы, ағ вә онлара бәнзәр кими рәнҝләрдә олмасын. Лакин әҝәр даһа да үмумиләшдирилмиш һалда десәк, онда һәр һансы бир ифадә едилмиш рәнҝ парлагдыр, чүнки визуал сурәтдә ҝөзә дәјир. Анҹаг бурада да һәр шеј илк бахышдан ҝөрүндүјү кими белә бирмәналы дејил.
Мисал үчүн, ағ рәнҝ сүннәдир вә һеч ким бунунла мүбаһисә етмәк истәмир. Анҹаг! Гадыны ҝөзгамашдырыҹы ағ либасда ҝөрәндә ҝөрмә фокусу автоматик олараг онун силуетини үмуми дәстәдән ајырыр вә ханым өзү, сөзҝәлиши, даһа чох тојдан гачмыш ҝәлинә охшајараг буну чох јахшы баша дүшүр.
Гара исә – Сәудијјә Әрәбистаны вә бәзи әрәб өлкәләри гадынларынын типик (сәҹијјәви) рәнҝидир, гәти гара рәнҝдә ҝејинмиш баҹыларымыз, тәәссүф ки, дин маһијјәтини дејил, даһа чох дин аспектләринин идеоложи сәбәбләри һаггында дүшүнүрләр.
Дүшүнүрәм ки, мөвҹуд олан рәнҝ чаларларынын бүтүн палитрасыны (мәҹмусуну) мүзакирә етмәјә еһтијаҹ јохдур, әкс тәгдирдә бу мәгалә һәҹминә ҝөрә јуху ҝәтирән, ҹансыхыҹы тәсир ҝөстәрәрди ки, буну мән, әлбәттә, истәмәздим.
Мөвзу, ҝөрдүјүмүз кими, олдугҹа ҝенишдир, лакин “Јахшы ата бир гамчы да кифајәтдидир” көһнә аталар сөзүнү јада салараг бу ҝүн бурада дајанмаг олар.
Јухарыда дејиләнләрә јекун вурараг, әзиз баҹыларымызын диггәтини бир даһа она јөнәлтмәк истәрдим ки, гәрб мәдәнијјәтинин зәрәрли тәсиринин динимизә һеч бир охшарлығы јохдур вә мода дүнјасында сүрәтлә дәјишән мејлләрин далынҹа гачмаға чалышараг ән башлыҹасыны бурахмаг олар – бизи јарадыб лазыми һәр шеј верәнин ризасыны.
Гој Аллаһ-тәала палтарымыздан мәгсәд етмәјәрәк онда јалныз васитә ҝөрмәји бизә товфиг етсин.
