Хурманын фајдалы хүсусијјәтләри

әввәли гәзетин өтән сајында

Сағламлыг анбары

Хурманын инсан сағламлығына неҹә фајдалы тәсир етдијинә бахсаг, чох тәәҹҹүбләнәрик. Бу кичик вә илк бахышдан садә мејвәләрдә бәдәнимиз үчүн лазым олан чох сајда фајдалы микроелемент вар. Ҝәлин онлары даһа әтрафлы нәзәрдән кечирәк.

Хурма гәбулу:

- бағырсагларын ишини нормаллашдырыр;

Јүксәк лиф (селлүлоз) тәркибинә ҝөрә хурма перисталтиканы стимуллашдырыр вә токсинләри (зәһәрләри) бәдәндән чыхарыр. Хурманын вахташыры истифадәси мәдә-бағырсаг трактында (һәзм ҹиһазында) илтиһаб просесләринин гаршысыны алмаға көмәк едир вә патоҝен (хәстәлик төрәдән) микрофлораны (ади ҝөзлә ҝөрүнмәјән биткиләри) сыхыб әзир. Бу, бабасил вә бәдхассәли шишләрин јахшы бир профилактикасыдыр.

- сүмүкләри мөһкәмләндирир;

Хурманы тәшкил едән микроелементләр сүмүк тохумамызы ҝүҹләндирир, һәмчинин јашлы инсанлара остеопорозун инкишафы илә мүбаризә апармаға көмәк едир. Хурма һәм дә сүмүкләрин әмәлә ҝәлмәсиндә иштирак едән мис, селен вә магнезиумла зәнҝиндир. Хурма ичәрисиндә олан синк вә фтор (рәнҝсиз газ) исә дишләр үчүн фајдалыдыр.

- үрәк-дамар системини мөһкәмләндирир;

Хурманын тәркибиндә үрәк әзәләсинин вә ган дамарларынын ишини оптималлашдырмаға көмәк едән калиум вә магнезиум вар. Мүтәмади олараг менјунуза хурма дахил етсәниз, бу артериал тәзјиги сабитләшдирмәјә көмәк едәр вә инсултун (ифлиҹин) әла гаршысынын алынмасы олар.

- ҝәнҹлијин горунмасына көмәк едир;

Хурма өзүнүн антиоксидант хүсусијјәтләри илә дә таныныр, бу да бәдәнин јашланма просесини јавашытмаға имкан верир. Онларын тәркибиндә Б витаминләринин кифајәт гәдәр јүксәк фаизи вар ки, бу да дәримизин, һөрмәтли баҹылар, һамар вә еластик галмасына көмәк едир.

- бејнимизә көмәк едир;

Әввәл гејд етдијимиз Б групундан олан витаминләр мәркәзи синир системинин фәалијјәтинә мүсбәт тәсир ҝөстәрир. Һомосистеин сәвијјәсинин азалмасы сајәсиндә Алсһејмер кими тәһлүкәли хәстәликләрин гаршысыны алмаг мүмкүндүр. Бундан әлавә, хурманын мүнтәзәм гәбулу бејнин ментал функсијаларыны: диггәт вә јаддашы јахшылашдырыр.

- Сүннәјә риајәт етмәк.

Убејдуллаһ ибн Рәфи нәнәси Сәлмәдән нәгл едир ки, Пејғәмбәр ﷺ демишдир:

“Хурма олмајан ев, јемәји олмајан бир ев кимидир”. (Ибн Мәҹа, 3328).

Һабелә Әмир ибн Сәд дә атасы Сәд ибн Әбу Вәккасын сөзләриндән Пејғәмбәрин ﷺ белә дедијини нәгл едир:

“Һәр сәһәр әҹвә нөвүндән једди хурма јејән кәсә о ҝүн нә зәһәр, нә дә ҹаду зијан вурмаз”. (Бухари, 5445; Мүслим, 2047; Әбу Дауд, 3876).

Һәмчинин ханымымыз Аишәдән нәгл олунур ки, Һәзрәти Пејғәмбәр ﷺ бујурмушдур::

“Хурма ағаҹлары олан евин сакинләри аҹ галмазлар”. (Мүслим, 2046).

Хурманы неҹә сечмәлидир

Хурманын дүзҝүн сечими ваҹибдир. Адәтән супермаркетләрдә хурма гурудулмуш формада сатылыр. Хурма сечдијиниз заман бахын ки, онлар бир-биринә јапышмыш јох, санки бир-бириндән ајры олсунлар.

Онларын сәтһиндә шәкәр кристалларынын олмамасы чох арзу олунур. Хурманын парылдадығыны вә рәнҝдән-рәнҝә чалдығыны ҝөрсәниз, бу, мүштәриләрин ҝөзүндә даһа чох ҹәлбедиҹилик үчүн јағландыглары демәкдир.

Анҹаг диҝәр тәрәфдән, хурма чох гырышмамалыдыр, чүнки бу, онларын чох гурудулдуғуну ҝөстәрир. Үмумијјәтлә, хурма сечәркән сон дәрәҹә диггәтли олун ки, фајда сизә зәрәр вермәсин.

P.S.

Гој Аллаһ бизә јалныз бу ајдакы оруҹумуздан дејил, һәм дә Онун Рәсулунун Сүннәсинә әмәл етмәјимиздән максимум фајда әлдә етмәјимизә көмәк етсин.

Әлфијә Синај