Сакитлик – мүсәлман гадынын рәфигәсидир
Сакитлик – мүсәлман гадынын рәфигәсидир
Сосиал шәбәкәләрдә еланлары вәрәгләјәркән тез-тез елә сөзләрә раст ҝәлирәм ки, ҝуја ҝүҹлү адам тәнһалыгдан горхмур, чүнки о, ҝүҹлүдүр вә и.а. Чәтинликлә инанмаг олур ки, бу ҝүн Инстаграмда чох оланлар арасында тәнһалыгда һансы фајда ҝизләндијини әмәллибашлы биләнләр вар.
Бу ҝүн һамыјла үмуми дил тапмаг, компанијанын (дәстәнин) үрәји (мәркәзи) олмаг вә сосиал шәбәкәләрдә бөјүк мигдарда абунәчи јығмағын неҹә јахшы олмасы һаггында данышмаг дәбдәдир. Әлбәттә, биз зәманә илә ајаглашмалы вә мәдәни дүнјада вәһшиләрә, кобудлара бәнзәмәмәли, онлара тај олмамалыјыг. Анҹаг һәмишә ҹәмијјәтдә олмаг да, мәнә елә ҝәлир ки, бу да о гәдәр јахшы дејилдир. Бу ҝүн ҹәмијјәт ачыг дејир ки, вахташыры сәссизликдә отуруб фикирләрә далмағы үстүн тутан мүнзәвиләр, адамајовушмазлар она лазым дејил. Ди ҝәл ки, һамы бу фикирлә һәмрәјдирми? Гәтијјән јох. Мәсәлән, имам Әл-Гәзалинин «Үрәкләрин ачылмасы» китабында белә јазылыб: «Бир дәфә Мүһәммәд Пејғәмбәрдән r сорушанда ки: «Мөмин кимдир, вә Мүнафиг (ријакар)) кимдир?», ҹавабында о, демишди: «Мөминин ҝөзләри намаза вә өз оруҹуна бахыр, мүнафигин (ријакарын) нәзәри исә, һејванларда олдуғу кими, ибадәтдән вә намаз гылмагдан чәкинәрәк, јалныз јемәк вә ичмәјә јөнәлмишдир. Иман ҝәтирәнләр имкан дахилиндә сәдәгә пајлајырлар – онлар Аллаһын бағышламасыны белә умурлар.
Мүнафиг (ријакар) исә өз еһтираслары вә шүбһәләринин ардынҹа гачыр. Мөмин Аллаһдан башга һеч кимә бел бағламаз, мүнафиг (ријакар) исә Ондан башга һамыја үмид бәсләјәр. Мөмин әмлакындан вәсаити дин јолунда хәрҹләјәр, мүнафиг (ријакар) исә онлары өз хејринә дәјишәр. Иман ҝәтирән Аллаһдан башга һеч кимдән горхмур. Мүнафиг (ријакар) Ондан башга һамыдан сыхылаҹаг. Мөмин јахшы иш ҝөрүб ағлајыр, мүнафиг (ријакар) исә пис әмәлләрә әл атыб ҝүлүр. Иман ҝәтирән тәнһалыгда олан вахтыны фајдалы кечирир. Мүнафигә (ријакара) исә издиһамда, ҝурлугда олмаг ләззәт верир. Мөмин тохум әкәрәк хејирхаһ вә јарадыҹыдыр, мүнафиг (ријакар) исә дағыдыр вә бунунла белә өзү зәһмәт чәкмәдән истәдији кими немәтләрдән истифадә едир». Гызыл сөзләрдир. Бурада кимсә фикирләшә биләр ки, мүасир дүнјада јашајараг әсла ҹәмијјәтдән узаглашыб әҹдадлардан нүмунә алмаг олмаз, чүнки биз тамамилә зидд, әкс дөврләри тәмсил едирик.
Лакин ҝәлин фикирләшәк, әзиз баҹылар, һәрдәнбир тәк галмаг еләми горхулудур? Әслиндә, јох! О ки, бу ҝүн һансыса бир дәстәјә, група гошулмаг дәбдәдир, о демәк дејилдир ки, тәнһалыгда хејир, бәрәкәт ола билмәз. Бу, там ҹәфәнҝијат, мәнасыз фикирдир! Чүнки мәһз өз-өзүнлә тәк галанда өз проблемләрин вә онлары неҹә һәлл етмәк һаггында дүшүнмәк олар. Тәнһалыгда (хәлвәтдә) адамын фикирләри даһа тәмиз вә доғрудур, чүнки тәкликдә сизә гырагдан һеч ким тәсир ҝөстәрә билмәз. Һәмишә дәстәдә оланда адам вахт кечдикдән сонра сәрбәст дүшүнмәк вә нәтиҹә чыхармагдан кәсилир. Беләҹә биз ҝизлиҹә, һисс едилмәдән бүтөвүн һиссәсинә чеврилир вә чох заман әксәријјәт кими дүшүнүрүк.
давамы вар
ӘЛФИЈӘ СИНАЈ
