Ҝөзләрин алтындакы шишләрдән хилас олмағын 3 тәсирли үсулу

Ҝөзләрин алтында гара тулуглар, азҹа шишмиш ҝөз гапаглары, өзүнүн гәшәнҝ сифәтинин әвәзинә панда (Һималај дағларында јашајан кичик јыртыҹы һејван) маскасында гадыны ҝөрәндә ҝүзҝүдә иникас – белә пис һадисәләрлә бәлкә дә һәр биримиз растлашмышыг.

Даими дојунҹа јатмамаг, компүтер архасында кечирилмиш чохлу саатлар, тәзә һавада аз ҝәзинтиләр, таразлашдырылмамыш јемәк – бүтүн бунлар ҝөзләрин алтында гара һаләләрин әмәлә ҝәлмәсинә ҝәтириб чыхарыр. Бу ҝүн биз бирликдә ҝөзләрин алтындакы шишләрдән тез вә әлаһиддә гајғысыз хилас олмағын тәсирли үсулларыны тапаҹағыг.

Башламаг үчүн ҝәлин диггәтлә өзүмүзә ҝүзҝүдә бахаг: биз нә ҝөрүрүк? Ҝөзләрин алтындакы ҝөјлүкләр - һәзм ҹиһазы илә прблемләрин, таразлашдырылмамыш расионун, јағлы, дузлу, аҹы гидаја (јемәјә) һәвәсимизин нәтиҹәсидир. Өз менјунузу (јемәк сијаһынызы) дәјишдирмәјә чалышын, артыг сонра исә косметик проседуралара башлајын, онда нәтиҹәси ҝөз габағында олаҹагдыр. Сары һаләләр садәҹә олараг дәринизин пигментасијасынын хүсусијјәти ола биләр, лакин өд кисәси вә гараҹијәрин хәстәләнмәси һаггында да хәбәр верә биләр. Ирсијјәт ҝөзләрин алтында даирәләрин әмәлә ҝәлмәсинин сәбәби ола биләр. Онларын әмәлә ҝәлмәсинин даһа бир бајағы сәбәби – метал сағанаглы ејнәк вә она аллерҝијадыр. Әҝәр ҝөзләриниз гырмызымтыл һалә илә әһатә олунубса, бу, аллерҝија вә интоксикасијанын (организмин зәһәрләнмәсинин) ајдын нишанәсидир. Онлар тәнәффүс (нәфәс) системи хәстәликләри оланда да әмәлә ҝәлә биләрләр. Ҝөзләрин алтында шишләр вә сифәтин шишмиш һалда олмасы – бөјрәк хәстәлији әламәтләриндән (симптомларындан) биридир.

Лакин әҝәр сиз әмин олумусунузса ки, органларынызын (бәдән үзвләринизин) һамысы нормал ишләјир, онда косметик проседуралара кечмәјин лап вахтыдыр. Маскалар, компресләр (мүалиҹә мәгсәдилә ағрыјан јерә гојулан јаш сарғылар), ислатма дәрманлары, ҝимнастика – “панданын ҝөзҹүкләрини” һәмишәлик унутмаг үчүн ән доғру, етибарлы көмәкчиләрдир. Вә ән мараглысы, бунун үчүн һеч дә ҝөзәллик салонуна јүјүрмәк вә баһалы проседуралар етмәк лазым дејил. Нә лазымдырса, евимиздә вә јахындакы аптекдә вар.

1.Јашыл чајдан компресс

Əлчатан вә супертәсирли васитәдир ки, сизин хиласедиҹи чубуғунуз олаҹагдыр. Ики памбыглы диски тәзә дәмләнмиш халис јашыл чај илә бир аз исладын вә 20 дәгигәлијә сојудуҹуда сахлајын. Сонра алт ҝөз гапагларыныза саатын дөрдә бир һиссәсинә (15 дәгигәјә) гојун. Һәр ахшам јухудан габаг проседураны тәкрар етмәји унутмајын.

2. От һәлиминдән буз

Ҝөзләрин әтраф саһәсини чобанјастығы ја да ҹәфәри һәлиминдән (гајнадылмышындан, һәлл бишмишиндән) дондурулмуш кубикләрлә силиб тәмизләјин – бу, дәринизә шәшәә (парлаглыг, ҝөзәллик) бағышлајаҹагдыр. Әҝәр белә проседуралары һәр ҝүн еләсән, онда ҝөзләрин алтында дәри артыг бир ајдан сонра даһа сағлам ҝөрүнмәјә башланаҹагдыр.

3. Картоф вә хијар маскалары

Бу маскалары ҝөзләрин алтында гара һаләләрлә мүбаризәдә “жанрын классикасы” адландырмаг олар. Онлардан һәлә бизим нәнәләримиз истифадә етмишләр. Дејәрсиниз ки, “көһнә модадыр”? Амма неҹә дә тәсирлидир! “Картоф маскасы”: бир дәнә чиј картофу кичик сүрткәҹдә хырдалајырыг (доғрајырыг). Сыјығы (һорраны) тәнзифә (ҹунаја) бүкүр, компреси јарым саатлыға проблемли зонамыза гојуруг. Сонра ев температурлу су илә әлүзүмүзү јујуруг. “Хијар маскасы”: бир хөрәк гашығы хырдаланмыш хијары елә бу мигдарда ҹәфәри вә хама (сметана) илә гарышдырырыг. Масканы сифәтимиздә 20 дәгигә сахлајырыг, сонра сәрин су илә јујуб тәмизләјирик.

СӘФИЈЈӘ ФОКИНА