Әр-арвад арасында јаш фәргиндән 7 бәла
Ислам һүгугуна әсасән киши вә гадынын јашында фәрг онларын арасында никаһ бағламаг үчүн манеә дејилдир. Шәхсијјәтин дүзҝүн, һәгиги мәнәви мәналары илә долмуш, өмрүн һансы јашында олсалар да, бирҝә һәјаты онлар аһәнҝдар сурәтдә јашајарлар. Вә буна сүбут инсанлардан ән јахшысы – Мүһәммәд Пејғәмбәрин ﷺ мисалыдыр. Аллаһ Рәсулу ﷺ јашҹа өзүндән 15 ил бөјүк олан гадынла – Хәдиҹә илә хошбәхт никаһда олмуш, һәм дә өзүндән 36 ил кичик олан – Аишәјә евләнмишди.
Лакин әҝәр мәнәви дәјәрләр кәсири вә ашағы психоложи сабитлик варса? Онда јаш фәрги бирлијин сабитлијинә мәнфи тәсир ҝөстәрә биләр. Бу материалда биз сәбәби әр-арвад арасында бөјүк јаш фәрги ола билән једди проблемдән бәһс едәҹәјик.
1.Аиләдә диалогун олмамасы
Јашда бөјүк фәрг әр вә арвад арасында анлашылмазлыға, бир-бирини там баша дүшмәмәјә ҝәтириб чыхара биләр. Адәтән јашҹа бөјүк олан әр өзүнү даһа тәҹрүбәли вә биликли сајараг арвадынын рәјиндән ваз кечмәјә башлајыр. Өз нөвбәсиндә ҝәнҹ һәјат јолдашында она белә мүнасибәт там дәјәрә малик олмама комплекси јарадыр.
2. Һәддән артыг амирлик
Јашҹа даһа бөјүк олдуғуна ҝөрә әр ҝәнҹ арвадына амирлик, һөкмранлыг етмәк истәјә биләр. Вә әҝәр о, мәнәви-әхлаги ҹәһәтдән мөһкәм олмаса, бүтүн бунлар зүлмкарлыға чеврилир, һансы ки, шүбһәсиз, онларын бирлијини дағыдыр.
3. Утанҹаглыг ҝөстәрмәк
Јашы ону ҝәрәксиз үстүнлүјә тәһрик едән бөјүк әриндән фәргли олараг, арвадын ҝәнҹ јашы әксинә олараг ону лүзумсуз утанҹаглыға вадар едир. О, әринә өз проблемләрини неҹә чатдырмағы билмир вә онлары әринә дејил, әтрафдакылара данышмаға башлајыр.
4. Ујушганлығын олмамасы
Ҝәнҹ јашларда биз тез-тез гаршылыглы мүнасибәтләрдә ујушганлыг ҝөстәриб бөјүк олан гәдәр ону итиририк. Буна ҝөрә дә әр-арваддан биринин бөјүк јашы аилә һәјатында диҝәринә, даһа ҹаван јарысына хас олан ујушганлыгдан мәһрум едир. Вә бу һал аиләдә ихтилафын сәбәби ола биләр.
5. Истәкләрә һәддән артыг јол вермә
Олур ки, јашҹа даһа бөјүк һәјат јолдашы ҝәнҹ һәјат јолдашыны өзүнә даһа да сых бағламаг үчүн онун бүтүн арзуларына үз вермәјә башлајыр. Нәтиҹәдә гыз әтрафында наз, шылтаг вә тәрслик дүнјасы гурур ки, әлбәттә онларын раһат, динҹ аилә дүнјасыны дағыдыр.
6. Ҹисмани формада фәрг
Јаша ҝирдикҹә бәдәнимиздә әһәмијјәтли дәјишикликләр баш верир. Јашҹа бөјүјүн бәдәни ҹавандан фәргләнир ки, аилә һәјатында гаршылыглы мүнасибәтләрә тәсир ҝөстәрә биләр. Белә никаһ бағлајанлар буну нәзәрә алмалыдырлар.
7. Лүзумсуз шүбһәлилик
Зәиф мәнәви мүһити олан аиләдә јашда фәрг әр-арвадын бир-биринә ҝәрәксиз шүбһәлилији вә әсассыз фикирләрин сәбәби ола биләр. Бахмајараг ки, белә шүбһәләр үчүн һеч бир тутарлы сәбәб олмаз.
