Үммү Һишам бинт Һарисә
Үммү Һишам бинт Һарисә
Үмм Һишам бинт Һарисә ибн ән-Нүман – Аллаһ-Тәала үрәкләрини билик вә иманла нурландырмыш мүсәлман гадынларындан биридир.
Онун атасы – Һарисә ибн ән-Нүман лајигли сәһабәләрдән, тәмиз архадашлардан биридир. Онун анасы – Үмм Халид бинт Әбдүррәһман ибн Јәиш әл-Әнсәријјә бану малик гәбиләсиндәндир. О, Исламы гәбул етмиш, Пејғәмбәрә бејәт етмиш вә лајигли гадынлар сајындан иди. Она Һарисә ибн ән-Нүман евләнмиш вә гадын она Абдуллаһ, Әбдүррәһман, Сәуд, Әмрә вә Үмм Һишамы доғмушдур ки, бу саат биз онун һәјатындан данышырыг.
Үмм Һишам бинт Һарисә белә әсилзадә аиләдә бөјүмүшдүр. Вә Үмм Һишам Аллаһ Елчисинин ﷺ гоншулуғунда јашамышдыр. Рәсулүллаһ ﷺ илә ејни шејләрдән истифадә етмәк она нәсиб олмушдур. О, демишдир: “Аллаһ Рәсулу бизимлә оланда, бизим онунла бүтөв ил вә ја бир илдән аз бирҹә үмуми печимиз варды”.
Үмм Һишам һәдисләри данышдығы кими бәрабәр Гураны әзбәр билирди. Һәдисдә дүрүст нәгл олундуғу кими: “Мән “Гаф. Шанлы Гурана анд олсун” сурәсини јалныз Рәсулүллаһын дилиндән әзбәр өјрәндим”. О, әр-Ридван бејәтинин иштиракчысы иди. Бу, белә олмушдур. Аллаһ Рәсулу ﷺ үмрә (кичик һәҹҹ) етмәк үчүн Мәккәјә ҝетмәјини елан едәндә онун ардынҹа чохлу сајда мүһаҹир вә әнсарлар ҝетдиләр: онларын сајы мин дөрд јүз нәфәрә чатырды. Үмм Һишам бинт Һарисә Рәсулүллаһла бирҝә үмрә (кичик һәҹҹ) етмәк үчүн гадынларын дәстәсиндә чыхмышды. Гурејшиләр Аллаһ Рәсулунун ﷺ кичик зијарәтә ҝетдијини биләндә она манечилик етдиләр. Пејғәмбәр ﷺ Осман ибн Әффаны гурејшиләрин јанына ҝөндәрди ки, онларла бу кичик зијарәт һаггында сазишә ҝәлсин. Гурејшиләр ону бир нечә вахт өзләриндә сахладылар. Онда Рәсулүллаһа ﷺ хәбәр чатды ки, ҝуја Османы өлдүрүбләр. Аллаһ Елчиси ﷺ бу адамларла дөјүшмәјә чағырды вә хаһиш етди ки, анд версинләр. Әр-Ридван анды (бејәти) ағаҹ алтында баш тутду. Сәһабәләр Рәсулүллаһа ﷺ өлмәк вә ҝери дөнмәјәҹәкләри һаггында анд вермәјә тәләсдиләр. Үмм Һишам бу бејәти едәнләрин арасында иди. Бунунла о, Аллаһ-Тәаланын ризасыны газанмышдыр ки, бу барәдә Гуранда ҝөстәрилмишдир. Аллаһ (О, Тәмиз вә Пакдыр) дејир: “[Һүдејбијјәдә] ағаҹ алтында сәнә бејәт етдикләри заман Аллаһ мөминләрдән разы олду. Аллаһ онларын үрәкләриндә оланы билди, онлара хатирҹәмлик, раһатлыг ҝөндәрди вә онлары јахын бир гәләбә илә мүкафатландырды” (48:18).
Осман бүтпәрәстләрин јанында чох галмады: о, Аллаһ Рәсулунун ﷺ јанына сағ-саламат гајытды, гурејшиләр исә Сүһејл ибн Әмри ҝөндәрдиләр ки, о, Рәсулүллаһ ﷺ илә сүлһ бағласын. Онда Һүдејбијјә сүлһү бағланмышды.
Уҹа Аллаһ Үмм Һишамы бу ҹүр хошбәхт еләди ки, о, бу бөјүк бејәтин иштиракчысы олду вә беләликлә бөјүк шәрәфә чатды. Чүнки Аллаһ она диҝәр мүсәлманлара олдуғу кими раһатлыг, хатирҹәмлик ҝөндәрмиш вә јахын ҝәләҹәкдә газанылаҹаг гәләбә илә мүкафатлндырмышдыр.
