ВатIан цIунулезде
ВатIан цIунулезде
Ватlан цlунизелъун къватlир рахъарал,
Росдал гlолохъаби, нужее сахлъи.
Хадур угьдун, керен бухlулел ругел
Улбузеги сабру гьарула дица.
Рагъда васал чIвайдал, ракьулъ гьел лъейдал,
Эбел-инсул сабру лъугlулеб буго.
Харабаз дугlаги гьабулеб бугин,
Дугlа къабул гьабе, хlалкlолев Аллагь.
Цlорорал хандакъахъ, васги рагъулъ тун
Макьу щун кьижилищ гьаюрай эбел.
Гьев кванандай вугев, квачандай вугев, -
Пикрабалъ йиго гьей, къадги къасиги.
Сабру хвезеги тун нилъ рукIинаро,
Аллагь цадахъ вуго, хьул Гьесде буго.
Гьесул кумек нилъей даимго щваги,
Сах-саламат васал рокъой руссаги.
