Калам къокъал, магIна гъваридал аварагасул ﷺ рагIаби
Бичасул аварагас ﷺ абуна:
- Аллагь рехсей ракIазе дару буго.
– Мунагь кIочонаро. ЛъикIлъи лъугIуларо. Диниявги холаро. Дуего бокьухъе вукIа мун.
– ЛъикIаб тIабигIат ана дунял-ахираталъул лъикIлъигун.
–КIигьумерчиясул Аллагьасда цебе къимат букIунаро.
– ХIикматалъул бетIер – Аллагьасукьа хIинкъи буго.
– Диналъул бетIер – варагI буго.
– ГIакълуялъул бетIер Аллагьасде иман лъун хадуб гIадамаздехун гьуинлъи гьаби буго.
– Аллагь гурхIаги жинца лъикIаб бицарав ва гьелдаса пайдаги босарасда, яги вуцIун чIарав цинги живги хвасарлъарасда.
– Дир умматалъе дун разилъилаан Аллагь гьезие кьезе разилъараб жоялда.
– Мажгитал – алжаналъул ахал руго.
– Гьоркьо-гьоркьоб зиярат гьабе дуца, цоцадехун рокьигун гьуинлъи цIикIкIина.
– ТалихI бугев чи ккола – цогиязухъ балагьун жиндиего вагIза босарав.
– Сапар ккола – гIазабалъул цо бутIа.
– Къавмалъул кIудияв – гьезул хъулухъчи вуго.
– Хвалчаби – алжаналъул кIулал руго.
– Цеве вугесда бихьула рикIкIада вугесда бихьулареб жо.
– Бищун лъикIаб рекIунеб жо сабру буго.
– Сабру ккола – ургъел тIаса босулеб кIул. Зугьду ккола абадияб бечелъи.
– Как – диналъул хIуби.
– Как буго – кинабго лъикIлъиялъе бугеб кIуллъун.
– Набиз (мехтел) буго кинабниги квешлъиялъул кIул.
– Нужеца кIал ккве, нуж сахлъила.
– Муъминчиясул билараб жо – гIелму буго.
