Аслияб гьумералде

КIикъогоясе захIмалъараб

КIикъогоясе захIмалъараб

Халкъал диналде ахIун гъазаватал гьарулелъул, аварагасул гIадат букIинчIо къаси гьеб байбихьулеб. Рагъ гьабизе ракIалда бугеб бакIалде къаси щвани, гьев рогьел баккизегIан чIолаан. Рогьалилъ как ахIани, рагъги гьабулароан.

Хайбаралъул гъазаваталде индалги авараг сордо бан рикIкIад гьечIеб бакIалда чIана. Хайбаралда жугьутIаз рогьалил как ахIичIо, рогьел баккидал жидерго ишазде рахъун рачIана. Бусурбаби тIаде щун рихьидал гьел риха-хочана ва ахIи-хIуралда рукъзабахъе тIурана.

Цинги аварагас ахIана: «Аллагь тIадегIанав вуго, Хайбарги биххана», - ян.

Хайбаралда жанире щведал аварагас r рагъул байрахъал асхIабзабазухъе рикьана ва цоялда хадуб цояб хъала бахъулаго рагъги гьабуна, ахиралда хутIана жугьутIазул цо-цоял жанир рахчараб кIиго кIудияб хъала. Гьеб бахъулаго бусурбабазда гIезегIан къоги бихьана. ХIадисалъул имамзабаз рехсон буго гьеб хъала бахъулаго чанго асхIаб, гьелги рахъизе кIвечIого, нахъруссун рачIанин.

Ахиралда аварагас абуна метер жинца байрахъ кьезе бугин жив сабаблъун гьеб хъала бахъизе вугесухъе. Гьеб сордо асхIабзабазул ана лъихъедай аварагас байрахъ кьелайин абураб калам гьабулаго. Хадусеб къоялъ аварагас r абуна: «АбутIалибил ГIали кив вугев?» - ин.

Гьев унтун вугин жаваб гьабуна аскIор рукIараз. Цинги аварагас гьев жиндихъе вачеян абуна. ГIали вукIана бералги унтун. Гьев аскIове вачIиндал аварагас r гьесул беразда жиндирго баракатаб хIацIу бахана, дугIаги гьабуна.

ГIалил бералги сахлъана. Хадуб аварагас гьесухъе байрахъги кьуна, кьолагоги абуна: «Мун сабаблъун цо чи битIараб нухде ккей дуе лъикIаб буго бищун лъикIалин тIаса рищарал варанабаздасаги», - ян.

Цинги рагъде къватIивеги вахъана. Рагъ гьабизе аниги дандиясдаса цIуни гьабизе гьесухъ къолден букIинчIо, гьелъ нухда унаго ГIалица цоязул нуцIа бахъана къолденалъе хIалтIизабизе.

Дол хъулбузул цоялда цеве щведал, гьелъул кавуги ГIалица мугъалде нахъе рехана, бусурбаби жаниреги лъугьана. Бицуна, ГIалихъ къолденлъун букIараб нуцIа, рагъ лъугIун хадуб 7 чияс хIалица багъаризабунин, доб хъалаялъул кавуги 40 чияс ккун гурони босичIин.

МУХIАММАДГIАРИФ КЪУРБАНОВ

2026-09-01 (РабигIул аввал 1448 с) №17.


Тафсир агьлуялъул маяк

Имамзабазул, хасго чIахIиял гIалимзабазул къимат лъала гьезул таржама гъваридго лъазабидал. Гьелдаго цадахъ имам вокьизеги вокьула. Амма лъаларев чи вокьизе кIоларо. Аварагас ﷺ абухъе, гIалимзаби ккола гьесул ирисилал. Щайгурелъул, Аварагас ﷺ жинда хадуб тола гIелму. Гьел ккола гьеб ирс босулел ва...


Баркала кумекалъухъ

ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.   Исана 13 июналда цӀаги рекӀун нижер мина,...


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


ХIасил щиб ккараб?

АлахIамдулиллагь, щибаб рецц Аллагьасе ﷻ, ракI бохулеб, черхалъе гьайбатаб асар гьабулеблъун букIана риидалил гIодоркъоязда Къуръан цIализе, как базе, тIабигIат берцин гьабизе, дарсазде хьвадун, лъималаз мажгитал цIун рукIараб заман.   Лъимал руго нилъер берзул канлъаби, рухI кьунги гьезие...


ДугIаялъул хиралъи

ДугIа гьаби ккола гIибадаталъул ракI гIадаб жо. ДугIа гьабиялда жаниб лагъас жиндирго мискинлъи, гIодовегIанлъи, Аллагьасде ﷻ живго хIажалъи, Аллагьасул ﷻ бечелъи загьир гьабулеб буго. Кинабго жоялъулъ Аллагьасде ﷻ гьардолел рукIине ккола. Нилъее, Аллагьас ﷻ кьураб гурони, щибго жо...