Аслияб гьумералде

Гьикъизе нечараб, бицине намусаб

Гьикъизе нечараб, бицине намусаб

Цогидазда релъ лъинаюлей йиго

Дидаса цее йикIарай чIужу кидаго мисаллъун ячуна росас. Гьелъ, лъималгун рехун, гьев таниги. Сон гьес дида абуна дун гIадал руччаби азарго рукIанин жиндир. Гьел рагIабаздаса хадуб гьесдаса ракIбуссун буго дир. Гьевгун цадахъ гIумру гьабизе бокьунги гьечIо.

ПатIимат, Хасавюрт.

ГIалимчиясул жаваб

Рос-лъадул гьоркьоблъи цIунизе кIиязго тIуразе кколел тIадкъаял руго шаргIалъ рихьизарун. Гьебги - хъизан цIуниялъе гIоло. Кинал ритIарал ругелали лъазе ккани, кIиязухъгоги гIенеккун къотIизе ккола хIукму. Щивас жиндехунго одеяло цIалеб бугони, гьеб тIу-тIун бачIуна.

Гьелдаго релълъун, кидаго дагIба-рагIиялда ругони, хъизан биххула. Гьеб иш лъикIалдалъун тIубазе бокьун батани, мун гIакъилго хIалтIизе ккола. РукъбакI цIунулеллъун руччаби ругелъул, хъизан биххичIого букIинелъун гIемераб жо данде бачине ккола дуца. ДагIба-къец щибаб хъизамалда букIуна. Амма гьеб сабаблъун хъизан биххизе бегьуларо.

ГIакъилай, цIодорай чIужугIадан рокъой йигеб рукъ гьелъул баракаталдалъун Аллагьас ﷻ биххизе толаро. ГIицIго Аллагьасе ﷻ гIоло, росасул адаб, гьес малъараб гьабун, гьесда цере тIуразе кколел хIукъукъал тIуран йигони, Аллагьасул ﷻ разилъи щвела. Росасе мутIигIлъи ккола Алжан насиблъиялъе сабаб. Аллагьас ﷻ кумек гьабеги.

Психологасул жаваб

Дур росасул цIакъ захIматаб гIамал бихьула. Гьединаб гIамалги букIуна загIипал, жидедаго ракIчIей гьечIел бихьиназул. АскIор ругел, жидедаса загIипал гIадамаздалъун жиндилъго гьечIеб къвакIи бихьизабула гьез. Гьединал гIадамалгун кIалъалаго, гьез чIвалел гIайибазул миллат гьабичIого тей буго дару. Абулеб жоялда жиндиргоцин ракIчIун букIунаро гьединазул. Гьесие къваригIараб жо буго мун данде дагIбади.

Гьесие бокьула ва гьесул мурад тIубала мун данде къацандизе байбихьидал. Амма дуца хIал хисизе биччачIони, гьесул тату хола ва гьеб гIамал бихьизаби гьес тола. Цоги нухалъ «мун гIадинал азарго ругин» абидал, дуца абе «дида лъалин» абун. КватIичIого гьесда бичIчIула жиндаго аскIой къуватай гIадан йикIин. Хадусеб нухалъ дудехун гьабулеб кIалъайги хисизабизе буго гьес.

Цогидазда цIехезе санагIат гьечIел суалал нужер ратани, ритIизе бегьула редакциялъул гьаб 7 988 458 16 63 номералде. Гьезие гIалимасулгун психологасул жаваб кьела гьаб гьумералда.

ХIАДУР ГЬАБУНА ЖАБИР МАЖИДОВАС

2026-09-15 (РабигIул ахир 1448 с.) №18.


Щай рахъунел?

Мавлид ахIулеб заманалда бусурбабазда гьоркьоб машгьураб гIадат буго, МухIаммад авараг ﷺ гьавураб лахIзаталъул ахIулелъул, киналго тIаде рахъунеб. Гьебги гьабула Аллагьасул Расул вокьиялъул, рохелалъул, гьесие гьабулеб адаб-хIурматалъул гIаламат хIисабалда.   Гьеб гIадат къабул гьабурал...


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


Гъваридаб лъай

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...


ГIибадат гьабизе рес

ХIурматиял бусурбаби, гьале тIаде щвана хаслихълъиялъул къоял. БагIарараб рииги тIаса ун, гьогьомиялъ кверщел гьабуна ракьалда. Гьайгьай, сордоги кIодолъана, къоги саламатго гьитIинлъана. ГIибадат гьабизе заманги лъикIаланго эркенлъана.   БагIарараб риидалил гьитIинаб сордо бугеб мехалда...


Ахиралде щвана

Баракатаб РабигӀул аввал моцӀ ахиралде щвана. Гьаб моцӀги Авараг ﷺ гьавураб къоги, цогидал моцӀал гӀадин нилъеца тӀобитӀичIо. Цогидаб заманалде ккун гьаб моцIалъ чияс дагьаб бугониги цӀалун батани Аварагасул ﷺ хӀакъалъулъ, абизе бегьула гьес хайир босанин.   ГӀумруялъ гьесул хӀакъалъулъ цӀаланиги...