Валидејн дуасы: һәм валидејнә, һәм дә ушаға лазымдыр
Валидејн дуасы: һәм валидејнә, һәм дә ушаға лазымдыр
Валидејн дуасы чох санбаллыдыр. Бу, Аллаһ ризасына гапыдыр. Ону ким ача биләр?
Валидејн дуасы мөвзусу ҝүндәмә ҝәләндә биз гејри-иради олараг ушаглара мүраҹиәт едирик - һансы јашда олдугларындан асылы олмајараг. Јәни, јахшы олун вә валидејнләриниз сизә јахшы дуа охујарлар! Шүбһәсиз ки, бунларын һамысы беләдир. Вә гој бу дуалар гәбул олунсун. Амин.
Анҹаг сорушмаг истәјирәм: бәс валидејнләр неҹә? Онларын дуасы ушагларын давранышларына ҹавабдыр вә елә бу?
“Валидејн - ушаг”
Һәр бир мүнасибәт - руһларын диалогудур. Вә “валидејн - ушаг” ҹүтлүјү дә истисна дејил. Валидејн бурада лидердир. Әлбәттә ки, ушаг да өзүнү ҝөстәрир. Анҹаг валидејн мүнасибәт тәрзини тәјин едир. Лап әввәлдән диалог севҝи, анлајыш вә ја диктә, бәһанә үзәриндә гурула биләр…
Вариантлар чохдур - нәтиҹә бирдир: ушағынызла мүнасибәт тәрзи вахт кечдикҹә онун сизинлә мүнасибәт тәрзинә чеврилир. Бурада “һамарлыг, шәффафлыг” олмаја биләр. Анҹаг маһијјәт етибарилә бу, ушағын бир вахтлар сиздән алдығы бир шеј олар. Онун кобудлуғу сизин тәмкинсизлијинизи, тәнбәллији - сзин әталәтинизи вә с. әкс етдирә биләр.
Јәгин ки, һәр шеј бирмәналы дејил вә ушағын фәрдилији дә аилә мүнасибәтләринә тәсир ҝөстәрир. Јенә дә һеч ким нә әкирсән, бичәҹәксән схемини ләғв етмәди. Биз валидејнләр исә буну тез-тез унудуруг. Јәгин буна ҝөрә дә ушагларын хошаҝәлмәз һәрәкәтләри ичимиздә наразылыг вә ја һәтта инҹиклик јарадыр…
Сәнә нә һәдијјә вермәли?
Әввәлҹә валидејн дуаларынын ушаглар үчүн һәдијјәмиз олдуғу ҝөрүнә биләр. Биз чох сәхавәтлијик - өвладларымыза јахшылыг арзулајырыг, Јарадандан буну диләјирик. Әҝәр истәмириксә, онда ушагларын өзләри ҝүнаһкардыр, лајиг дејилләр!
Ҝәлин јумағы (кәләфи) ҝеријә чөзәләјәк. Ушаглар бизи разы саланда онлара севинҹлә јахшы дуалар охујуруг. Гане етмәјәндә дә ахы өвладларымыздыр онлар. Анҹаг чохму валидејн өз дуаларыны давам етдирир? Тәәссүф ки, бурада гәзәб вә мәјуслуг мүдахилә едир…
Анҹаг дуанын өвладларымыза һәдијјә дејил, Аллаһ-Тәалаја ибадәтимизин бир һиссәси олдуғуну јадда сахласаг, дағыдыҹы дујғуларын гаршысыны алмаг (вә ја онлары зәифләтмәк) олар. Ајрыҹа зәһмәт тәләб едән һиссә. Чүнки нәфс инҹијәндә онун үстүндән аддымлајыб кечмәк лазымдыр. Бу, һәмишә чәтиндир. Анҹаг “чәтинликләр олмадан” һәјатда дәјәрли бир шеј вармы?
Сизин шүурлу сечиминиз
Инди исә кичик бир арашдырма өвладлара сизин дуаларынызы даими вә гејд-шәртсиз едәр, иншаАллаһ.
Белә ки, тәсәввүр един: ушагларла мүбаһисәдән (күсүшмәдән) сонра Аллаһдан онлардан Онун разы галмасыны истәмәјә ҝүҹ тапдыг. Бәс нә баш верир?
Биринҹиси, биз Јарадана ибадәт едирик вә Гијамәт ҝүнү бу, Тәрәзиләримиздә јахшылыглары ағырлашдыра биләр.
Икинҹиси, ушағын пис һәрәкәтинин Аллаһ-Тәала тәрәфиндән бизә бир сынаг олдуғуну баша дүшүрүк, демәли, мүнагишәнин һәллиндә Она ҝүвәнирик.
Үчүнҹүсү, үмид едирик ки, өвладларымыз Аллаһын разы галаҹағы тәмиз руһа наил олаҹаглар. (Биз исә - даһа чох!)
Дөрдүнҹүсү, етираф едирик ки, јалныз Аллаһ ушаглары дүзҝүн тәрбијә едир, Онун көмәји олмадан исә буну едә билмәрик. (Әкс тәгдирдә һеч кимин өвладлары илә проблеми олмазды).
Вә бешинҹиси, дуа заманы бизи гәзәбләндирән ушағы бағышлајырыг, јенидән она гаршы икимиз үчүн дә һәјатвериҹи олан севҝи һисс етмәјә башлајырыг.
Намазын белә тәсирләри јәгин ки һәлә бир дејил.
Ону даими етмәјә чалышын! Ахы, “валидејн-ушаг” ҹүтлүјүндә сиз өмрүнүзүн сонуна гәдәр бөјүксүнүз. Сиз дә ҹаваб верирсиниз: бу дүнјада - ушаг үчүн, о дүнјада – валидејн олдуғунуз үчүн. Буна ҝөрә дә мәсәләләри дүзҝүн һәлл етмәјә чалышын, јәни һәр һансы бир вәзијјәтдә Аллаһа мүраҹиәт едәрәк. Бу, јеҝанә ағыллы вә еффективдир.
Мәлумдур ки, валидејн дуалары илә онларын гәбулу арасында пәрдә јохдур, иншаАллаһ. Гој Рәһмли сизә вә өвладларыныза онун ризасынын гапысыны ачмаға көмәк етсин! Амин.
