Хурманын фајдалы хүсусијјәтләри
Һәтта 1 хурма бәдәндә ҝери дөнмәз бир просесә сәбәб олур
Хурма - надир бир мејвәдир ки, бир чох өлкәләрдә она сағламлығы артырмаг вә өмрү узатмаг хүсусијјәтләри аид едирләр. Дејирләр Чиндә узунөмүрлүләр вар ки, гидаланмасынын әсасы мүстәсна олараг хурмадыр. Һәр һалда, бу чох фајдалы бир мәһсулдур вә бир чох дијетологлар ону ширнијјат әвәзинә истифадә етмәји мәсләһәт ҝөрүрләр. Бундан әлавә, хурма гәдим заманлардан бәри өзүнүн мүалиҹәви хүсусијјәтләри илә танынмышдыр.
Гәдим дөврләрдән бәри инсанлар Уҹа Аллаһын гулларына көмәк олараг јаратдығы тәбиәт немәтләриндән фајдаланмаға чалышырлар. Инсан дәрман биткиләриндән фајдаланмағы вә, ән әсасы,бу вә ја диҝәр биткиләрин бәдәнимизә тәсирини өјрәнмишдир.
Мүасир технолоҝијалар сајәсиндә елм адамлары һәр ил әввәлләр сағалмаз ҝөрүнән хәстәликләрин мүалиҹәсинин јени үсулларыны кәшф едирләр. Буна бахмајараг, сағлам вә долғун бир һәјатын әсасы, әввәлки кими, сағлам гида олараг галыр.
Тез-тез олур ки, бир инсан сәһләнкарлығы сәбәбиндән једикләринә әһәмијјәт вермир вә бунунла да бәдәнини зәифләдир. Буна ҝөрә дә, бу ҝүн бир инсан ән пис вәрдишләрдән биринә - гејри-сағлам гидаланмаја мәруз галмышдыр. Бураја әсасән фаст-фуд вә тәркибиндә ГМО олан гидалар дахилдир.
Нәтиҹәдә, инсан сағламлығына дүзәлмәз зәрәр вура биләр ки, бунун нәтиҹәсиндә мүалиҹә узун мүддәт давам едә биләр.
Тез һазырланан јемәк идејасына алтернатив олараг Мүһәммәд ﷺ Пејғәмбәрин бизә ҝәлиб чатмыш гидаланма төвсијәләрини ҝөстәрмәк олар.
Пејғәмбәр ﷺ Сүннәсиндә инсан организми үчүн бөјүк фајда вар. Вә бу ҝүнкү мәгаләмдә бизә мәһз Аллаһ Рәсулундан ﷺ ҝәлиб чатмыш чох фајдалы бир дәрман - хурма һаггында данышмаг истәрдим.
Хурманын фајдасы чохдан мәлумдур вә демәк олар ки, бүтүн халгларын ондан јемәк үчүн истифадә етдикләри сәбәбсиз дејил. Мараглыдыр, онлар нә илә фајдалыдыр ки, онлар һаггында Аллаһ Рәсулу ﷺ өзү сөјләмишдир?
Сағламлыг анбары
Хурманын инсан сағламлығына неҹә фајдалы тәсир етдијинә бахсаг, чох тәәҹҹүбләнәрик. Бу кичик вә илк бахышдан садә мејвәләрдә бәдәнимиз үчүн лазым олан чох сајда фајдалы микроелемент вар. Ҝәлин онлары даһа әтрафлы нәзәрдән кечирәк.
Хурма гәбулу:
- бағырсагларын ишини нормаллашдырыр;
Јүксәк лиф (селлүлоз) тәркибинә ҝөрә хурма перисталтиканы стимуллашдырыр вә токсинләри (зәһәрләри) бәдәндән чыхарыр. Хурманын вахташыры истифадәси мәдә-бағырсаг трактында (һәзм ҹиһазында) илтиһаб просесләринин гаршысыны алмаға көмәк едир вә патоҝен (хәстәлик төрәдән) микрофлораны (ади ҝөзлә ҝөрүнмәјән биткиләри) сыхыб әзир. Бу, бабасил вә бәдхассәли шишләрин јахшы бир профилактикасыдыр.
давамы вар
