Тәбрик

Тәбрик

ДР Мүфтиси шејх Әһмәд Әфәнди өлкә мөминләрини мүбарәк Оруҹ бајрамы мүнасибәтилә тәбрик етмишдир

“Әссәламу әлејкум вә рәһмәтуллаһи вә бәрәкатуһу! Әзиз гардаш вә баҹылар! Оруҹ бајрамы мүнасибәтилә сизи сидгиүрәкдән тәбрик едирәм. Бөјүк оруҹлуғун баша чатмасыны ифадә едән бу мүбарәк ҝүн бүтүн мөминләр үчүн ән ваҹиб вә тәнтәнәлиләриндән биридир. Бүтүн ај боју бүтүн дүнја мүсәлманлары јемәк вә ичмәкдән нәфсини сахлајараг итаәт, үлви әхлаг вә мәрһәмәт ҝөстәрмиш, Бөјүк Аллаһы мәдһ едәрәк хејирхаһ ишләр ҝөрмүшләр. Чохларыныз бу о гәдәр дә садә олмјан вахтда, өз һәјатларындакы чәтинликләрә бахмајараг, сәдәгә пајламыш, мүхтәлиф хејријјә топланышларында иштирак едәрәк вәсаит ианә етмишсиниз.

Гој Аллаһ-тәала һәр хејирхаһ әмәлинизи дәфәләрлә артырараг ону гәбул етсин. Һабелә тәкҹә Дағыстанын дејил, һәм дә бүтүн өлкәнин бир чох ҝушәләриндә мүхтәлиф милләт вә дин нүмајәндәләри бүтүн ај әрзиндә бирҝә ифтарлара вә сүһурлара топлашмышлар. Бу, чох севиндирир, чүнки белә тәдбирләр тәкҹә бирләшмәјә вә гардашлыг телләринин мөһкәмләнмәсинә дејил, һәм дә вәтәнпәрвәрлик руһунун, өз Вәтәнинә вә бир-биринә севҝинин дирчәлмәсинә вә јүксәлишинә көмәк едир. Белә тәдбирләрин ҝедишиндә дин һаггында сөһбәтләр вә ән мүһүм, ваҹиб мөвзуларын мүзакирәси һәр инсанда динимәнәви вә јарадыҹы дәјәрләр јарадыр вә мөһкәмләндирир. Бу ҝөзәл, мүбарәк ҝүнләри јенидән ҝөрмәк имканы вердијинә ҝөрә Аллаһ-тәалаја мин шүкүрләр дејирәм.

Бунунла белә хаһиш едирәм ки, бу мәрһәмәтдән бизи ҝәләҹәк илләрдә дә мәһрум етмәсин. Аллаһ-тәаладан бүтүн оруҹларымызы, зәкатымызы, һабелә бүтүн јахшы әмәлләримизи гәбул етмәји диләјирәм. Јарадана јалварырам ки, бизим һамымыза ҝүҹ-гүввәт, сәбир-дөзүм вә ағылдәрракә версин ки, наил одугларымызла кифајәтләнмәјиб башга ајларда даһа чох хејирхаһ ишләр ҝөрәк, бир-биримизә көмәк едәк, бағышлајаг вә үзр истәјәк, јахынларымыза вә әтрафдакылара өзүмүзә истәдијимиз кими мүнасибәт бәсләјәк. Рәһмлидән диләјим будур ки, бу мүбарәк ај наминә бүтүн ҝүнаһларымызы бағышласын, бүтүн бәлалардан, фитнә-фәсаддан вә мүһарибәләрдән бизи горусун, һал-һазырда чәтин вәзијјәтдә оланлара сәбир, дөзүм вә мәтанәт версин. Јараданын әмнијјәти вә рәһми олсун сизләрә, әзиз гардаш вә баҹылар!”