Кичик јахшылыг

әввәли гәзетин өтән сајында

- Бәс даһа нә? – Асијә сакитләшмирди.

- Даһа исә јахын адамлара кичик јахшылыг еләмәк олар, - ҹаваб верди ана. - Јери ҝәлмишкән, белә ишләри лап сән өзүн дә ҝөрә биләрсән.

- Мән өзүм? – јенидән сорушду Асијә.

- Әлбәттә ки, тәсдиг етди ана. – Бах, бу ҝүн сиз ата илә мәсҹидин нәздиндәки дүкандан әт алмаға ҝедәҹәксиниз. Орада јахынлыгда исә ианә үчүн гуту вар. Сән ораја пул ата биләрсән, вә бу да сәнин хејирхаһ ишин олар.

- Анҹаг ахы бир дәнә – бу, јәгин ки, аздыр... - етираз етди Асијә.

- Әсас одур ки, сән бир иши сәмим-гәлбдән, үрәкдән едәсән, - деди ана. – Чүнки инсандан онун ҝүҹү чатмајан һеч нә тәләб олунмур. О, баҹардығыны еләмәлидир. Вә буна ҝөрә мүкафат олаҹагдыр.

Асијә башыны тәрпәтди.

-Сәндәки ҹибхәрҹи илә гардашына вә ја рәфигәләриндән кимәсә кичик, амма хошаҝәлән һәдијјә ала биләрсән – гој һәтта карандаш вә ја кичик блокнот олсун.

Асијә тәкрарән башыны тәрпәтди. Бу, доғрудан да чох чәтин дејилди вә һәтта мараглы иди.

-Узаға ҝетмәк нә лазым... – деди ана. –Бах ҝөр, гардашынын футболкасында (идман көјнәјиндә) дешик әмәлә ҝәлиб. Сән ону тикә вә бунунла мәнә көмәк едә вә ону севиндирә биләрсән, бу да хејирхаһ иш олар.

Бу фикир Асијәнин хошуна ҝәлди. О, дүјмәләр тикмәји вә үмумијјәтлә әлиндә ијнә илә сап тутмағы севирди.

- Даһа нә? – јенидән сорушду гыз.

- Сән нәнәјлә бизә көмәк едә биләрсән. Вә бу һәм мүсәлманлара көмәк, һәм бөјүкләрә һөрмәт, һәм дә валидејнләрә еһтирам олар – һамысы дәрһал бир балаҹа ишдә, - деди ана. –Чүнки һәтта сән дөшәмәни сүпүрәндә вә ја масаны тәмизләјирсән, јахуд гардашынын ајаггабысыны јујурсан вә јахуд онун ојунҹагларыны јығырсан, сән јахшы иш ҝөрүрсән.

- Рамазанда биз кимисә ифтара дәвәт едәҹәјикми?, - Асијәнин јадына дүшдү. – Вә мән нәнә илә сизә хөрәк биширмәјә вә сүфрә ачмаға, јемәк дүзмәјә көмәк едәрәм, вә бу да јахшы иш олар.

- Әлбәттә, - ана башы илә разылашды. – Ону да нәзәрә алмаг лазымдыр ки, бу, оруҹ тутанлары једиртмәкдир... Әслиндә, Асијә, јахшы, хејирхаһ ишләр о гәдәр чохдур ки, һамысыны садаламаг олмур. Кимисә машында ҝәтирмәк – јахшы ишдир. Ағыр чантаны дашымаға көмәк етмәк – бу да јахшы ишдир. Киминләсә фајдалы биликләр мүбадиләси етмәк – бу да хејирхаһ ишдир. Ики күсәни барышдырмаг – бу да хејирхаһ ишдир.

- Вә бу ишләрдән чохуну сән садәҹә олараг ҝөрә биләрсән, - әлавә етди нәнә. – Ислам китабы охумаг – бу да јахшы ишдир, Асијә. Нә вахтса адамлара фајда верәҹәк ағаҹ әкмәк, - бу да хејирхаһ ишдир. Сусузлугдан јанан һејвана су вермәк – бу да хејирхаһ ишдир. Евдә раһатлыг, сәлигә, гајда јаратмаг – бу да јахшы ишдир. Вә һәтта садәҹә олараг адамлара ҝүлүмсәмәк – хејирхаһ ишдир... Белә ишләр чохдур. Онлар чәтин дејил, анҹаг онларын мүкафаты чох бөјүк олаҹагдыр.

Аллаһ-тәала бујурмушдур:

“Һәгигәтән, Аллаһ бөјүк мүкафат верир” (“Әт-Төвбә” сурәси, ајә 22).