Һиҹаб ҝејмәк гәрарына ҝәлә билмирәм
әввәли гәзетин өтән сајында
-ҝөркәминә зијан вурмаг тәһлүкәси, бурада, әҝәр кишиләрдән кимсә охујурса, јәгин ки, ҝүлүмсүнәр. Чүнки бу горхулар јалныз биз гадынлара чох ҹидди ҝөрүнүр.
Анҹаг биздә һәгигәтән ҹидди горхулар олур ки, әҝәр биз ҝөзәллијимизи ҝизләтсәк, онда ҝөзәл ҝөрүнмәрик. Һиҹаб ҝејәнләрин вә кишиләрин адындан һәлә ону ҝәздирмәјәнләрә демәк истәјирәм: ҝөзәллик сизин тамашаја гојдуғунуз дејил, ҝөзәллик ҝизләтдијиниздәдир. Мән чох дәфә мүшаһидә етмишәм ки, илк дәфә һиҹабы әјнинә ҝејиб баханда гадынлар неҹә нараһатлыг кечирир, неҹә онлар ҝүзҝүдә өзләринә гејри-ади ҝөрүнүр вә өзләрини бәјәнмирләр, неҹә ҝөстәриб нүмајиш етдирдикләрини – өз хариҹи мәзијјәтләрини ҝизләдәрәк фикирләширләр ки, санки онларда ҝөзәлликдән һеч нә галмајыб. Бунунла белә өртүлү гадынын сифәти һисс едилмәјән тәрздә дәјишир вә сон дәрәҹә ҝөзәлләшир, һалбуки ҝүзҝү буну әкс етдирә билмир. Вә бу онун үз ҹизҝиләри вә овалынын неҹәлијиндән асылы дејил, бу, нәсә бир изаһолунмаз шејдир ки, она дүзҝүн ад фикирләшиб тапмаг чәтиндир, анҹаг ону чох јахшы бәзәјир. Зинәт шејләри, косметика, баһалы парчалар бәзәјән кими јох. Бу, нәсә дахилдә, гәлб сәвијјәсиндә оландыр ки, гадын јајлыг ҝејәндә һисс олунур.
-мәғлубијјәт горхусу, баҹармамаг, өз гәрарында ахыра чатмамаг горхусу вар сиздә, әҝәр сиздә, артыг јухарыда тәсвир олундуғу кими, ону ҝәздирмәк лүзумунда дәруни дахили инам јохдурса. Вә һабелә, әҝәр инамыныз чохалмыр, әксинә, әријирсә, вә бу, һиҹабла бағлы дејил, садәҹә олараг, әҝәр инамыныз зәифләјирсә, онунла бирҝә сиз дә зәифләјирсиниз. Һиҹаб ҝејиб ону өмрү боју ҝәздирмәк үчүн лап аз инам лазымдыр, лакин һәр һалда о, лазымдыр. Әҝәр о, сиздә онсуз да аздырса, вә сиз һиҹаб ҝејиб мә’нәви јүксәлишинизлә мәшғул олмаға давам етмәсәниз, - сиз ону чыхараҹагсыныз, анҹаг проблем һиҹабда олмајаҹаг. Буна ҝөрә дә фәрги јохдур ки, ону ҝејдин ја да јох, сизин мәғлубијјәтиниз јахуд да гәләбәниз онунла бағлы дејил. Сиз ҝәләҹәкдә һиҹабы чыхармагдан јох, инамы итирмәкдән горхмалысыныз, өзү дә артыг индики заманда. Һәм дә о ҝөстәриш дә дүзҝүн дејилдир ки, әҝәр мән ону һәмишә ҝәздирмәкдә әмин дејиләмсә, онда, ҝуја һеч ҝејмәјә дә дәјмәз. Сиз сабаһ вәфат едә биләрсиниз – һиҹабда, анҹаг елә нараһат олурсунуз ки, елә бил һәлә јүз ил јашајаҹагсыныз, һарадаса орада бир нечә вахтдан сонра ону чыхармаг һипотетик горхусу вар, сиз фикирләширсиниз ки, вахт вар вә сабаһ өләрсиниз – өртүлмәмиш баш вә мурдар виҹданла.
-јахын адамларла мүнасибәтләрдә зәрәрдән тамамилә чәкинмәк олар, әҝәр һиҹаб јолунун башланғыҹында мүдриклик вә сәбир еһтијаты ҝөрсәниз. Адәтән өз гәрарынын јахынлары тәрәфиндән гәбул едилмәмәсинә, онларын тәнгиди вә инадлы дилә тутмаларына тәҹавүзсүз ҹаваб верә билмәјәнләрин мүнасибәтләри чәтин олур. Тәҹрүбә ҝөстәрир ки, гоһумлары илә мүбаһисәли, мүнагишәли вәзијјәт сынағындан кечәнләрин демәк олар ки, һамысында вахт өтәндән сонра мүнасибәтләрин ҝәрҝинлији кечир вә әлагәләрин мәһкәмләнмәси илә әвәз олунур. Садәҹә олараг бунларын һамысы бир ҝүндә дејил, тез-тез һәтта бир ај әрзиндә дә баш вермир. Лакин һәтта әҝәр мәһз сиздә мүстәсна вәзијјәт олса вә һиҹабы ҝејәндә киминләсә әлагәниз кәсиләрсә, әслиндә бу, сизә елә ҝәлир ки, сәбәб јалныз һиҹабда олаҹагдыр. Сиз јәгин билмәзсиниз, һиҹабы ҝејмәсәјдиниз, бу адамлар сизинлә галардымы, чүнки Аллаһын јаздығыны биз билмирик. Әҝәр сиз мәһз һәмин ҝүн вә һәмин саат ајрылмалы олсаныз – сиз ајрыларсыныз, онда мәҝәр јахшы дејилми ки, сәбәб, мисал үчүн, дин нөгтеји-нәзәриндән сизин налајигһәрәкәтиниз ја да садәҹә олараг һеч нә етмәмәјиниз дејил, һиҹаб олсун. Әҝәр һәјатынызда һәгигәтән гәдринизи билән, сизи дәриндән вә сәмими-гәлбдән севән адамлар варса – онлар сизи һәм мә’нәви бөһранда, һәм дә тәмизлик вә нур шәфәгиндә гәбул едәрләр.
Һиҹаб ҝејмәк гәрарына ҝәлә билмәјәнләрә даһа нә әлавә етмәк истәјирәм? Бу, сизин дини өмрүнүздә ән кичик, һалбуки илк сынаглардан биридир. Һал-һазырда о, сизә чох чәтин ҝөрүнүр, лакин бир нечә илдән сонра сиз өзүнүзүн “шүҹаәтли һәрәкәтинизи” јумшаг ҝүлүшлә јада салаҹагсыныз. Чүнки сизин даһа да чәтин сынаглар тәҹрүбәниз олаҹаг, вә сиз алимләрин, сәһабәләрин, өвлијаларын һәјатыны өјрәнәр вә онларын нүмунәсиндә утанаҹагсыныз ки, белә садә вә тәбии шеји сиз гәһрәманлыг һесаб етмишдиниз. Телевизорда бир лајиһә варды, онун иштиракчылары трамплиндән суја атылырдылар, һалбуки әввәлләр онларын ишдән азад вахтда белә идман нөвү илә мәшғул олмаг тәҹрүбәси јох иди. Онлар мүхтәлиф һүндүрлүкләрдән тулланырдылар. Иштиракчылардан бири данышырды ки, о, атылмалы олдуғу биринҹи һүндүрлүјә бахыр вә горхурду. Онда ону ән јүксәк трамплинә апарыб дејирләр ки, бир аздан о, бурадан атылаҹагдыр. Орада һәр ҹүр горху вә дәһшәт кечирәндән сонра о, ашағы ҝедир. Биринҹи трамплин она артыг һеч дә горхулу ҝөрүнмүрдү. Бу кичик һадисәдән алынмыш дәрсә әсасән артыг бу ҝүндән башлајараг ән јүксәк трамплиндән “туллананлар” һаггында охумаға башлајын. Аллаһын истәкли бәндәләринин гәһрәманлыгларыны өјрәнин вә онда сизин биринҹи һүндүрлүкдә етмәли олдуғунузу еләмәк әһәмијјәтли дәрәҹәдә асан олаҹаг. Әслиндә исә суја тулланмагда ән горхулусу – мәҹһуллуға гәти аддым атмагдыр, кичик аддым, учуш – вә севинҹ, фәрәһ һисси. Сизи бу, Аллаһа итаәткар гадын кими ҝејинмиш илк ҝүнүнүз баша чатан јердә ҝөзләјир.
