Әш-Шәјма бинт әл-Һарис әс-Садијә
Пејғәмбәрин ﷺ сүд баҹысы
Әш-Шәјма бинт әл-Һарис әс-Садијә – Пејғәмбәрин ﷺ дајәси Һәлимә әс-Садијәнин гызыдыр. Беләликлә о – Аллаһ Рәсулунун ﷺ сүд баҹысыдыр. Мәһз о, Пејғәмбәрә ﷺ тәрбијә вермишдир.
Мәһз бу әш-Шәјма Пејғәмбәрлә ﷺ ојнамыш вә Аллаһ-тәаладан белә дејәрәк диләмишдир:
Рәббимиз, Мүһәммәди биздә сахла, Мән ону саггалсыз ҹаван ҝөрүнҹә, Сонра исә ону башчы вә аға ҝөрәрәм! Онун дүшмәнләрини пахыллары илә бирликдә мәһв ет Вә она әзәмәт, ҹалал вер һәмишәлик!
Мүһәммәд ибн әл-Мүаллә әл-Әзди демишдир:
“Әбу Урва әл-Әзди бу шерләри охујанда о, дејәрди: “Нә јахшы ки, Аллаһ гызын јалварышына ҹаваб верди!”
Әш-Шәјма вә онун аиләси Пејғәмбәрин ﷺ бүтүн өмрү боју онун севҝи вә һөрмәт објекти олмушдур, ибн Һәҹәрин бу барәдә “әл-Исабәдә” данышдығы кими. Һәвәзин тајфасы илә дөјүш оланда вә мүсәлманлар галиб ҝәләндә, онлар әш-Шәјманын диҝәр әсирләрин сајында алмышдылар. О, Рәсулүллаһын јанына чатанда она демишди:
- Ја Рәсулүллаһ, мән сәнин сүд баҹынам!
- Һәр һансы бир нишанә вармы? – сорушду о.
- Мән сәни белимдә ҝәздирәндә сәнин дишләдијин јер.
Аллаһын Елчиси ﷺ бу нишанәни таныды. О, әш-Шәјма үчүн өз бүрүнҹәјини сәриб она ҝөстәрди: “Бах бурада”. Ону отуртду, сонра сечим һүгугу верди: “Истәсән, севҝи вә һөрмәтлә биздә јаша. Истәјирсәнсә сәни бағышлајым вә өз ҹамаатынын јанына гајтарым”. О, ҹаваб верди: “Јахшысы будур ки, сән мәни бағышла вә өз гөвмүмә гајтар”. Вә Пејғәмбәр ﷺ ону әфв едиб өз тајфасына гајтарды.
Пејғәмбәрин ﷺ әш-Шәјмаја еһтирамы бунунла битмәди, бүтүн банусад гәбиләсинә јајылды. Банусад исә һәвәзин гөвмүнә дахил иди. Тарихи белә иди: Пејғәмбәр ﷺ Һүнејндә һәвәзин гөвмүнә галиб ҝәлиб онларын әмлакыны, гадын вә ушагларыны гәнимәт кими аланда һәвәзин вәл-Ҹирәнә тајфасындан онун јанына нүмајәндә һејәти ҝәлди. Бундан әввәл онлар Исламы гәбул етмишдиләр. Онлар дедиләр: “Ја Рәсулүллаһ, биз әрәбләрдән төрәнмәјик, биз онларын тајфаларындан биријик. Сән өзүн ҝөрүрсән ки, башымыза нә бәла ҝәлиб. Бизә рәһм елә – Аллаһ да сәнә мәрһәмәт ҝөстәрәр”. Сонра онларын натиги Зүһәјр ибн Сурәд Әбу Сурәд дуруб деди: “Ја Рәсулүллаһ, һәгигәтән, барыларын архасында әсирләрин арасында сәнин гајғыны чәкән гадын вә тәрбијәчиләр вар. Вә әҝәр бизимлә ибн Әбу Шимр вә ја ән-Нумән ибн әл-Мүзир арасында әлагә олсајды, онлар бизә сән етдикләрини едәрдиләр, биз дә онларын мәрһәмәт вә илитифатына үмид едәрдик. Сәнсә – Рәсулүллаһ, гајғысына галанлардан ән јахшысысан”.
Рәсулүллаһ ﷺ сорушду:
- Сизинчүн нә јахшыдыр: гадын вә өвладларыныз јохса малыныз?
- Ја Рәсулүллаһ, сән бизә гоһумларымыз вә әмлакымыз арасында сечим вердинми? Әлбәттә, ушаг вә гадынларымыз бизимчүн даһа јахшыдыр.
Онда Аллаһын Елчиси деди:
-Мәндә вә бану абдулмүттәлиб гәбиләсиндә нә варса, - бунларын һамысы сизиндир. Мән ҹамаатла намаз гыландан сонра сиз дурун вә дејин: “Биз хаһиш едирик ки, Рәсулүллаһ биздән өтрү мүсәлманлардан, вә мүсәлманлардан хаһиш едирик ки, онлар биздән өтрү Рәсулүллаһдан ушагларымыза вә гадынларымыза аид олан һаггында диләсинләр”. Вә онда мән һамысыны сизә верәр вә сиздән өтрү башгаларына хаһиш едәрәм.
Рәсулүллаһ ﷺ ҹамаатла ҝүнорта намазыны битирәндән сонра нүмајәндә һејәти дуруб Рәсулүллаһын ﷺ онлара бујурдугларыны сөјләдиләр. Онда Пејғәмбәр ﷺ деди: “Мәндә вә бану абдулмүттәлиб гәбиләсиндә нә варса, - бунларын һамысы сизиндир”. Вә әнсарлар дедиләр: “Биздә нә варса, - һамысы Аллаһ Елчисинә”.
Ибн Кәсир деди:
“Вә бу, һамынын бир нәфәр кими азад олунмасына сәбәб олду. Вә онун хејирхаһ ишләри јенә дә өзүнү ҝөстәрирди: һәмишә, һамы үчүн вә һәр бир кәс үчүн”.
