Dağıstan Respublikası Müftisinin təbriki
Dağıstan Respublikası Müftisinin təbriki
Əs-səlamu əleykum və rəhmətullahi və bərəkatuhu!
Əziz qardaşlar və bacılar!
Günahların bağışlanması və rəhmətin göndərildiyi Ramazan ayını bizə bəxş edən Allaha ﷻ həmd olsun.
Ramazan bütün müsəlmanlar üçün ən vacib və şərəfli aydır. Hər bir möminin qəlbində artıq “Ramazan” kəlməsinin özü böyük ayın – qiymətini ancaq Rəhman Allahın bildiyi imtahan, ibadət və sonsuz mükafatlar ayının intizarından sevinc və fərəh hissi doğurur.
Yaradana həmd olsun ki, Ramazan günlərini dərin iman və itaətlə orucda keçirən, gecələr isə namazda duran möminlərin sayı ildən-ilə artır. Ancaq bütün ayı tab gətirə bilməyəcəklərindən qorxub heç də oruc tutmayanlar var. Onlara, şübhəsiz ki, Allah Rəsulunun ﷺ hədisini xatırlatmaq lazımdır: “Kim bir gün oruc tutarsa, Allah ﷻ onunla Cəhənnəm odu arasında genişliyi yerdən göylərə qədər olan bir xəndək yaradar” (ət-Təbərani).
Bilin ki, orucun hər saniyəsi üçün Allahdan elə bir mükafat ala bilərsiniz ki, bu dünyada heç bir mükafatla müqayisə olunmaz. Bu ayda biz özümüzü yaxşılığa doğru dəyişməyə çalışmalıyıq, bir-birimizə diqqətli olmalıyıq, xüsusən də qayğımıza və köməyimizə ehtiyacı olanlara.
Rəsulullah ﷺ demişdir: “Ramazan ayında Allahın mükafatına inam və ümidlə oruc tutanın keçmiş günahları bağışlanar” (əl-Buxari, Müslim).
Həqiqətən ümid edirəm ki, biz hamımız keçmiş günahlarını Uca Allahın bağışlayacağı və oruclarımızı qəbul edəcəyi kəslərdən olacağıq.
Bütün müsəlmanları bu müqəddəs ayın gəlişi münasibəti ilə təbrik edir, səmimi qəlbdən onu layiqincə ibadətlə keçirməyi arzulayıram ki, qaçırdığımız heç bir dəqiqənin peşmançılığını çəkməyək.
