Пејғәмбәр ﷺ тәринин гохусу мүшкдән дә әтирли иди
Пејғәмбәр ﷺ тәринин гохусу мүшкдән дә әтирли иди
Пејғәмбәр ﷺ тәринин гохусу мүшкдән дә әтирли иди. Сəһaбə Әнас бу барәдә белә дејәрди: “Аллаһ Елчиси нур сaчырды, онун тәр дамлалары мирвари дәнәләринә бәнзәјирди, ҝәзәндә исә бир аз ирәли әјилиб ағыр, тәмкинлә, вүгарла јеријирди (ләјагәтлә, амма јаваш јох).
Мән һеч вахт Аллаһ Рəсулунун ﷺ әлиндән даһа јумшаг олан ипәк вә ја парчаја тохунмамышам вә ондан ҝәлән гохудан даһа рајиһәли ола билән мүшк вә ја әнбәр әтри гохумамышам”.
Пејғәмбәрлә ﷺ саламлашанда хош гоху вә гејри-ади бир јүнҝүллүк вә истилик һисси һәтта бир нечә ҝүн кечәндән сонра да галырды. Рəсулүллaһ ﷺ әлини ушаглардан биринин башына гојанда, бу ушаглары сонра чох хош гохусу илә башгаларындан фәргләндирмәк оларды.
Пејғәмбәр ﷺ шәхси ҝиҝијенаја бөјүк диггәт јетирирди. Рәббин истәклиси ﷺ һәр һәфтә чимирди. Јемәкдән әввәл һәмишә әлләрини јујар, һәфтәдә бир дәфә бығларыны вә дырнагларыны кәсәр вә дејәрди ки, иман, дин тәмизлијә әсасланыр.
О ﷺ, сачларыны дарајыб онлара јағ сүртәр, ҝөзләринә сүрмә чәкәрди. Јемәкдән сонра Пејғәмбәр ﷺ дишләрини тәмизләјәр, һәр дәфә јатмаздан әввәл вә јухудан дуранда, намаз гылмаздан әввәл вә сонра сивак (арак ағаҹы көкләриндән тәбии диш чубуғу) илә дишләрини тәмизләјәрди. Һәмишә палтары тәмиз сахлајар, сәлигәли вә тәмиз ҝејинәр, инсанлары тәмизлијә чағырарды, евләри, һәјәтләри вә мәсҹидләри тәмиз сахламағы әмр едирди. Рәсулүллаһ ﷺ һәмишә дәстәмазда олар, бәдән ҝиҝијенасына нәзарәт едәр вә һәмишә хариҹи ҝөрүнүшдә тәмизлијә риајәт едәрди.
