Ән ҹәсур вә садиг мүсәлман гадын
Әл-Фәрасиф бин әл-Әһвас бин Әмр бин Сәлабәт бин әл-Һариса әл-гәлбијә (Рәбб ондан разы олсун) гызы Наилә Куфәдә (Ирагда шәһәр) христиан аиләсиндә анадан олмушдур. Аишәнин тәсири алтында (Рәбб ондан разы олсун) һиҹри илә 28-ҹи илдә Исламы гәбул етмиш вә Пејғәмбәрин ** сәһабәси Осман бин Әффана **** әрә ҝетмишдир.
Османын **** өлдүрүлмәсиндән сонра Наилә әринә гаршы үсјан едән гијамчылары сәрт тәнгид етди. О, мүгавимәтләриндә руһдан дүшмүш Мәдинә сакинләрини дә гынады вә Әбу Сүфјанын **** оғлу Мүавијәјә, - Шам (индики Сурија, Иорданија, Ливан вә Фәләстин әразиси, Исраилин ишғал етдији бүтүн Фәләстин әразиси дахил олмагла) вә Османа јахын бир инсана мәктуб јазды. Бу мәктубда о, Османы мүһасирәдә ән чох дәстәјә еһтијаҹ дујдуғу заман хилас етмәкдә онун һәрәкәтсизлијини гынады.
О, Османла мөһкәм дајаныр вә ону горумаг үчүн өзүнү гылынҹ зәрбәләри алтына гојурду. Рәгибләр һасара дырмашыб евә ҝирмәјә башладыгда гачды, бундан онун сачлары ачылды. Буну ҝөрән Осман **** она гышгырды: “Башыны өрт, мәни һәјатымдан даһа чох сәнин шәрәфин нараһат едир!”
Дүшмәнләрдән бири Османа һүҹум едиб гылынҹыны онун үстүнә галдыранда Наилә әли илә ону өртдү вә нәтиҹәдә бармагларынын уҹларыны итирди. Көмәк үчүн чағырдығы көлә Рәбаһ о адамын јанына тулланыб ону өлдүрдү. Наилә исә бу вахт икинҹи гатилин гылынҹыны тутмаға тәләсди, анҹаг дүшмән онун диҝәр әлинин бармагларыны кәсиб гылынҹыны Османа санҹа билди.
Бәдхаһлар онун әринин ҹәсәдинин башыны кәсмәк нијјәтиндә олдугда ону өзү илә өртдү, лакин бу, онлара планларыны јеринә јетирмәјә мане олмады, онлар башы кәсиб ону парчаладылар. Буну ҝөрүб Наилә гышгырды: ”Мөминләрин һөкмдары өлдүрүлдү!” Бу заиан әлләриндән ган ахырды.
Бу заман даһа бир адам Османын **** евинә ҝирди, ев саһибинин башынын арвадынын палтарынын әтәјинә бүкүлдүјүнү ҝөрдү вә тәләб етди ки, ону ҝөстәрсинләр. Буну нијә истәдијини сорушдугда она силлә вураҹағына анд ичдијини сөјләди. Буну ешидән Наилә сорушду: “Сән Рәсулүллаһын ** онун һаггында сөјләдикләри илә разы дејилсән?!” О адам јенә дә башы она ҝөстәрмәји тәләб етди, сонра гадына һүҹум етди, Османын башыны чыхарыб ҝөтүрдү вә үзүнә вурду. Онда Наилә (Рәбб ондан разы олсун) ҹанини ләнәтләди: “Гој сәнин әлләри гурусун вә ҝөзләриниз кор олсун!” О адам евин астанасындан кечинҹә онун әлләри гуруду, ҝөзләри исә кор олду.
Османын ҹәсәди узун мүддәт һәмин јердә галды, һеч ким ҹәназә мәрасими кечирмәјә ҹәсарәт етмирди. Наилә Һүвејтиб бин әбд әл-Үззәјә вә Ҹүбејр бин Мүтимә, Әбу Ҹәһм бин Һүзејфә вә Һаким бин Һизамәјә (Рәбб онлардан разы олсун) мүраҹиәт етди ки, ҹәсәди јујуб дәфн үчүн һазырласынлар. Онлар она дедиләр ки, ҝүндүз буну етмәк олмаз. Ахшам дүшәндә,гаранлыгдан истифадә едәрәк ахшам вә ҝеҹә намазлары арасында Османын ҹәсәдини әл-Баги гәбиристанлығына апардылар. Наилә онларын јолуну лампа илә ишыгландырараг габагда ҝедирди. Орада Османын ҹәсәдини јерә тапшырдылар, Ҹүбејр бин Мүтим вә бир нечә башга мүсәлман ҹәназә намазы гылдылар. Наилә (Рәбб ондан разы олсун) әринә јас тутду: “Мән малымдан өтрү ағламырамм, гоһумларым үчүн ағлајырам, ахы бизи Әбу Әмрә лајиг оланлар тәрк етдиләр”.
Дәфндән сонра Наилә адамлара мүраҹиәт етди: “Мүсәлманлар, мәним наилијјәтләрими вә сөзләрими шиширтмәјин, мән бөјүк сынаг вә севимли әрим Осман бин Әффанын, Аллаһ Рәсулунун ** үчүнҹү салеһ хәлифәсинин һәлак олмасындан кәдәрлијәм. Һәгигәтән, Осман **** ҝәләндә адамлар өз фикир вә гәрарларыны дәјиширдиләр, она бәрабәр һеч ким јох иди вә һәтта ҝүнаһкарлар да онун фәзиләтләринә шүбһә етмирдиләр”.
Сонра ҹәсарәтли гадын Мүавијәјә Османын ҹырыг вә ганлы көјнәји илә мәктуб ҝөндәрди. Көјнәјин дүјмәләриндән бириндә Османын гатилләриндән биринин кәсдији саггалындан бир нечә түк вә өзүнүн кәсилмиш беш бармағыны бағлады.
Бүтүн бунлары о, Дәмәшг мәсҹидиндә јерләшдирмәји вә орја ҝәләнләрә өз мәктубуну охумағы хаһиш етди. Орада белә сөзләр дә вар иди: “Әбу Сүфјанын оғлу Мүавијәјә. Мән сизи Аллаһа итаәтә чағырырам ки, О сизә немәтләр вермиш, Исламы өјрәтмиш вә сизи јолунуазмагдан горумушдур, күфрдән хилас етмиш, дүшмәнләр үзәриндә гәләбә вермиш вә сизә ашкар вә ҝизли олан бир чох немәтләр вермишдир. Аллаһ-Тәала наминә хаһиш едирәм вә хәлифәјә көмәк етмәјиниз үчүн Онун вә Онун хәлифәсинин гаршысында борҹунузу хатырладырам. Аллаһ бујурмушдур: “Әҝәр мөминләрин ики ҹамааты бир-бири илә вурушса, онлары барышдырын! Әҝәр онлардан бири диҝәринә һүҹум едиб барышмагдан имтина етсә, онлар Аллаһын әмрләринә табе олана гәдәр онларла вурушун. Әҝәр онлар итаәт етсәләр, онлары әдаләтлә барышдырын, барышыгда әдаләтли олун, чүнки Аллаһ әдаләтлиләри севир” (“Әл-Һуҹурат” сурәси, ајә 9).
Бу хүтбәни 50000 нәфәр ешитди, онлар Османын көјнәји вә зөвҹәсинин бармаглары јанында ағлајырдылар.
Наилә бүтүн һәјаты боју мәрһум һәјат јолдашы Осман бин Әффанын **** хатирәсини јашатмыш вә өмрүнүн сонуна гәдәр она садиг галмышдыр. Ҝөзәл олмасына бахмајараг бир даһа ҝетмәди. Һәр дәфә онун јанына елчиләр ҝәләндә имтина едирди. Мүавијә ондан зөвҹәси олмасыны истәмәјә ҝәләндә она да рәдд ҹавабы верди. О, гадынлардан нијә бу гәдәр чох елчиләр ҝәлдијини сорушду. Онлар онун ҝөзәл дишләринә ҝөрә дедиләр. Онда дишләрини гопарыб Мүавијәјә ҝөндәрди. Буну нијә етдијини сорушдугда, ҹаваб верди: Османдан сонра ону һеч ким ону арзуламасын.
Әл-Фәрасиф бин әл-Әһвасын **** гызы Наилә белә бир гадын иди, - ҹәсарәт вә мөһкәмлик нүмунәси, ҝөзәл тәрбијә, фәсаһәтчилик вә натиглик саһиби. Осман бин Әффан онунла евләнди, Наилә она садиг вә итаәткар сәмими зөвҹә олду. Онун мүдриклијини вә узагҝөрәнлијини билән Осман һәмишә онунла мәсләһәтләширди. О, әринин евиндә бөјүк нүфуза саһиб иди. Ону мүсәлман гардашы Зәбб әрә вермиш, ону Мәдинәјә Османын јанына ҝәтирән дә мәһз о иди. Наиләнин атасы исә христиан иди.
Наилә Османла евлиликдә Исламы гәбул етмиш вә она үч ушаг доғмушдур: Үмму Халид, Әрва вә Үмму Әбан әс-Суғра (кичији). Наилә (Рәбб ондан разы олсун) Аишәдән бәзи һәдисләр дә өтүрмүшдүр. О, Ислама хидмәтдә бөјүк мүһарибәдән сонра вәфат етди.
