Макулатура
Чөлдә һава о гәдәр сојуг иди ки, Марат шәрфини дүз ҝөзләринә гәдәр доламышдв. Ушаг бағчасындан евә гәдәр о, бүтүн јолу бир сөз демәди.
- Ҝәзмәкдән неҹә јорулдум! Чох палтар ҝејинмишәм! - о, ајаггабыларыны коридорда чыхараркән шикајәт етди.
- Гыш ҝәлиб, исти палтар ҝејмәлидир, - анасы ҹаваб верди.
- Ана, ушаг бағчамызда мүәллим коридорда бир елан асыб. Бунун нә демәк олдуғуну сорушмаға вахтым олмады.
- Орада нә јазылыб ки?
-Ма-ку-ла-ту-ра топламаг. Нә чәтин сөздүр!
Ана ҝүлүмсәнди.
- Бу, истифадә олунмуш кағыз вә картон топламагдыр. Кағызын нәдән һазырландығыны билирсәнми? Ағаҹдан һазырланыр. Вә ағаҹлары даһа аз кәсмәк үчүн кағыза икинҹи шанс верилир.
- Кағыз артыг истифадә олунубса нә шанс? –марагланды Марат.
- Тулланты кағызыны емал етдикдән сонра ондан туалет кағызы вә ја јумурта габы, картон јарада биләрләр, - ана изаһ етди. - Һәтта кағыз торбалар да едә биләрләр. Инди мағазаларда онлардан ҝениш истифадә олунур.
- Мараглыдыр! Вә бу, әтраф мүһитә зәрәр вермир.
- Дүздүр, - ана башыны тәрпәтди, - вә бунунла белә биз ағаҹлары да сахлајырыг. Тәсәввүр ет, бир тон кағыз туллантысы он ағаҹы хилас едир.
- Мәндә идеја вар! - Марат севинди. –мәним шкафымда кағыз вә рәсмләрдән чохлу әл ишләри вар. Ҝәлин онлары чешидләјәк вә лазымсыз оланлары ушаг бағчасына апараг. Ејни заманда шкафда јер дә бошалаҹаг! - оғлан анасына ҝүлүмсәди.
- Әла фикирдир, - ана тәгдир етди, - амма әввәлҹә ҝејинирик, јујунуруг вә шам етмәк үчүн маса архасына ҝедирик. Мән исти чај ичиб исинмәк истәјирәм.
Јемәкдән сонра Марат илә ана узун мүддәт онун отағында көһнә рәсмләр вә әл ишләриниҝөтүр-гој етдиләр вә бүтөв бир пакет тулланты кағызы јығылды.
Марат доғма тәбиәтини горумаг үчүн чох ваҹиб бир иш ҝөрдүјүнү һисс едирди.
