Ушаглара намазы севдирмәјин 10 үсулу

əввəли гəзeтин өтəн сaјындa

6. Ушаглара Аллаһ-Тәаланын лүтфүндән, мәрһәмәтиндән данышын

Ушагларын намазы Јараданла мәнәви вә емосионал әлагәси олмајан бир ритуал кими дејил, Аллаһ-Тәаланын разылығыны газанмаға, өз арзуларыны јеринә јетирмәјә вә өзләрини пис һәр шејдән горумаға көмәк едән хүсуси бир ан кими гәбул етмәләри ваҹибдир. Бунун үчүн көрпәликдән өвладларыныза Аллаһын онлары неҹә севдијини вә горудуғуну, Ҹәннәтдә мөминләрин неҹә севинҹ ҝөзләдикләрини данышын.

7. Гој Мүһәммәд Пејғәмбәр баш гәһрәман олсун

Биз тез-тез шикајәт едирик ки, ушаглар бүтүн ҝүнү Һөрүмчәк Адам, Роблоксдан Нуба вә ја Супер Соникләр һаггында данышырлар. Бунун ҝүнаһкары јалныз бизик. Мүһәммәд Пејғәмбәрин һәјаты о гәдәр мараглы, чохшахәли вә јахшы тәсвир едилмишдир ки, бизә тәкҹә һәр ҝүн бу барәдә өзүмүз өјрәнмәк вә ушагларымыза данышмаг галыр.

Сирәни өјрәнмәк ҝүндәлик режиминиздә ваҹиб бир мәгам олсун. Аллаһ Рәсулунун һәјатыны өјрәнәркән ушаглар һәр ҝүн ону даһа чох севәр вә она охшамаға чалышарлар. Дуа етмәк истәјәҹәкләр, чүнки о да буну едәрди.

8. Бөјүк мәгсәдә доғру кичик аддымлар

Ушаг һәлә једди јашына чатмамыш вә тәзәҹә намаза алышдыгда, ону беш дәфә гылмаг чәтиндир. Көрпәни тәдриҹән, јаваш-јаваш өјрәдин. Әввәлҹә сизинлә бир намаз гылсын, сонра ҝүндә ики намаз вә с. Беләликлә, једди јашына гәдәр бүтүн беш фәрз намазы проблемсиз јеринә јетирәҹәкдир.

9. Ардыҹыл олун

Ушаглар ушаглардыр вә дәстәмаз алмаға, намаз гылмаға тәнбәл олдуглары анлар олар. Онлары фәҹрә ојатмаг хүсусилә чәтиндир. Анҹаг ушаг једди јашына чатмышса, биз ардыҹыл олмалы вә онлары бош гојмамалыјыг. Сәһәр ушаглары јумшагҹа, лакин инамла ојадын, меһрибанлыгла, лакин онлары данышыгсыз, гәти сурәтдә намаз халчасына ҝөндәрин.

10. Бирликдә

Намазын ваҹиблијини вурғуламағын әла јолу ону коллектив шәкилдә гылмагдыр. Ҝүндә ән азы бир дәфә бүтүн аилә илә намаз гылмаға чалышын ки, намаза ата башчылыг етсин. Оғулун өһдәсинә азан демәк мәсулијјәтини гојмаг олар.

Оғланлар еркән јашларындан мәсҹидә ҹүмә вә бајрам намазларына ҝетмәлидирләр. Намазын мүхтәлиф јаш, милләт вә пешә мүсәлманларыны бир мәгсәд наминә неҹә бирләшдирдијини ҝөрмәк чох ваҹибдир.

Ушаглара намазы севдирмәјин 10 үсулу