УШАГЛАРА НАМАЗЫ СЕВДИРМӘЈИН 10 ҮСУЛУ
Беш вахт намаз - тәмәлләрин әсасы, һәјаты дүзҝүн гурмағымыза, арзуларымызы јеринә јетирмәјимизә, гәлбимизи раһатлыг, севинҹ, севҝи илә долдурмағымыза көмәк едәндир. Ушаглара намазын бүтүн ҝөзәллијини неҹә ҝөстәрмәлидир? Ахы, онлар үчүн бәзән о, валидејнләриндән нөвбәти бир тапшырыға чеврилир.
Кичик ушаг гәлбләриндә намаза севҝи ојатмаг үчүн биз нә едә биләрик? Үрәјини там Аллаһ-Тәалаја чеврирәрәк ушаға сәмими намаз гылмағы өјрәтмәјин он үсулу бунлардыр.
1. Шәхси нүмунә
Бу, дүнја кими көһнә, лакин ишләјән бир консепсијадыр. Ушаглар валидејнләринин азандан дәрһал сонра һәр шеји тәрк едиб намаз гылмаға ҝетдикләрини ҝөрмәлидирләр. Ана вә атанын нүмунәсини ҝөрәрәк јеткин јашында онлар да һәмчинин бүтүн һәјатыны намаза јөнәлдәр, сәһәр намазыны бурахмамаг үчүн вахтында јатар, һәр вәзијјәтдә һәр јердә ибадәт етмәк үчүн фүрсәт тапарлар.
Валидејн олараг өвладларымыз үчүн давамлы бир нүмунә олмаг үчүн бу мәсулијјәти өз үзәримизә ҝөтүрүрүк – өвладарымызын тәглид етмәји үчүн даим нүмунә олмағы, вә әҝәр намазда зәифлик ҝөстәрсәк, онда јалныз өзүмүзүн дејил, онларын да өмрүнү корлајырыг.
2. Ушаглыгдан башлајын
Һамымыз билирик ки, һәдисләрә әсасән ушаглар једди јашында намаз гылмаға башламалыдырлар, он јашындан етибарән исә валидејнләр онлары дуаја сәһләнкар јанашдыгларына ҝөрә ҹәзаландыра биләрләр. Бу јашда ушагларын намаз гылмаға алышмасы, ону севмәси, бунун јалныз бүтүн мүсәлманларын вәзифәси дејил, Аллаһа јахынлашмаг үчүн бир фүрсәт олдуғуну һисс етмәси үчүн ушаглара бу ҹүр ибадәти лап еркән јашларындан өјрәдин.
Гој онлар бүтүн аиләнин намаз гылмаг үчүн бир араја ҝәлдијини, һәр кәсин дуада Уҹа Јарадана неҹә мүраҹиәт етдијини ҝөрсүнләр. Һәтта үч јашлы бир ушаг Гурандан гыса сурәләри өјрәнә, дәстәмаз ала вә ана вә атанын јанында дуа дөшәјиндә дајанмағы баҹарар.
Чох вахт кичик ушаглар намаз гылмаға мараг ҝөстәрир вә буну онлара өјрәтмәләрини хаһиш едирләр, лакин бөјүкләрин сәбри чатмыр, ушагларын еркән јашында јадда сахладыглары исә өмүр боју онларла галаҹагдыр.
3. Намаз отағы
Әҝәр имкан варса, евдә намаз үчүн ајрыҹа бир отаг ајырын ки, бурада һеч бир шеј Јарадан илә диалогдан јајындырмасын. Јер јохдурса, онда мүтләг ибадәт үчүн ајрыҹа бир ҝушә тәшкил един. Бу јери аракәсмә, пәрдә илә ајырмаг, артыг олан һәр шеји орадан чыхармаг, Гуран вә тәсбеһ үчүн рәф мыхламаг, ҝөзәл дуа халчаҹығы сәрмәк олар. Беләҹә ушаглар евләриндә намаза еһтирамла мүнасибәт бәсләдикләрини ҝөрәрләр.
Ҝөзәл палтарда намаз гылын, әтирли маддәләрдән истифадә един вә сивакдан истифадә кими ваҹиб сүннәни унутмајын - бунларын һамысы сизә нәинки фајда ҝәтирәр, һәм дә ушагларыныз үчүн ҝөзәл нүмунә олар.
Давамы вар
