Аиләдә аб-һаваны јахшылашдырмағын үсуллары
Аиләдә аб-һаваны јахшылашдырмағын үсуллары
әввәли гәзетин өтән сајында
5. Плана ујғун олмајан ҝүн
Һәр ҝүнкү гајғыларымыз, режим, низам-интизам, мәктәб, иш, дәрсләр, һесабатлар - бунларын һамысы бизим һәјатымыздыр. Анҹаг бәзән һамымызын јенидән башламағымыз ваҹибдир.
Ишдә отгул (истираһәт) алын, ушаглары мәктәбдән, ушаг бағчасындан, әлавә дәрсләрдән ҝөтүрүн, зәнҝли сааты сөндүрүн, шоколад пастасы илә хырда блин (көкә) гызардын, бирликдә комедијаја бахын, сонра исә пајыз букетләри топламаг, ҝөлмәчәләри өлчмәк, јелләнҹәкләрдә фырланмаг, бирликдә кечирдијиниз һәр дәгигәдән зөвг алмаг үчүн парка ҝедин.
6. Ашпазлыг марафону
Бирҝә јемәк һазырламаг һәмишә бүтүн просес иштиракчыларыны бирләшдирир вә әһвали-руһијјәни галдырыр. Бир нечә јени јемәк сечин вә аилә ашпазлыг (јемәк) марафону тәшкил един. Бәлкә ики командаја бөлүнүб әсл ашпаз дөјүшү тәшкил етмәк истәјә биләрсиниз. Даһа чох азарт (еһтирас) үчүн ән дадлы јемәк һазырлајанлар үчүн әввәлҹәдән гијмәтли һәдијјәләр һазырлаја биләрсиниз.
7. Аилә блогу
Сосиал шәбәкәдә бүтүн аилә үчүн сәһифә ачын. Гој һәр кәс нөвбә илә евдә баш верән һадисәләри тәсвир етсин, фикир вә һиссләрини бөлүшсүн. Әслиндә үрәкдә баш верәнләри, һансыса мәсәләни бирликдә һәлл етмәји, консенсуса ҝәлмәји чох вахт јазылы сурәтдә тәсвир етмәк даһа асандыр.
8. Сағ ол дејин
Јахынларын әһвали-руһијјәсини галдырмағын ҝөзәл үсулу – онлара нәјә ҝөрәсә вә ја садәҹә олараг тәшәккүр етмәкдир. Һәр сәһәр јемәјиндә даһа бир бағышланмыш ҝүн, ҝөзәл аилә, раһат ев, ҝәзмәк, ешитмәк, ҝөрмәк вә нәфәс алмаг имканы үчүн Уҹа Аллаһа бирликдә һәмд етмәк аилә әнәнәси јарадын. Јахынларыныза көмәк үчүн, сәбр үчүн, иштиракы илә бизә вердикләри ҝөзәл әһвали-руһијјә үчүн, јахшы гијмәтләр үчүн вә ја јујулмуш габ-гаҹаг үчүн чох сағ ол дејин. Миннәтдар олун - вә ҝүндән-ҝүнә һәјатыныз даһа да бәрәкәтли олар.
