Аиләдә аб-һаваны јахшылашдырмағын үсуллары
Аиләдә аб-һаваны јахшылашдырмағын үсуллары
Пәнҹәрә архасында үмидсиз боз мәнзәрә олдугда, бузлу күләк дәри алтына ҝирәндә, һәр троллејбусдан сизә кинли грип вируслары һүҹум едәндә, ҝүнәш бүтүн ҝүн әрзиндә јалныз бир нечә дәгигә ҝөрүнәндә, бу пајыз-гыш мөвсүмүндә биз евимиздә ҝүҹлү бир истилик, ишыг, мүсбәт енержи еһтијаты алмалыјыг.
Јағмурлу нојабр ҝүнләриндә боз иш ҝүнләриндән сонра раһат бир күнҹә гајытмаг, јахынларын тәбәссүмләрини ҝөрмәк, севинҹ вә хошбәхтлик һормонларынын икигат һиссәсини алмаг чох ваҹибдир. Бу ҝүн биз сизә бүтүн аилә үзвләринизин әһвали-руһијјәсини галдырыҹаг, раһатланмаға, тәк далғаја көкләнмәјә, бир-биринә даһа да јахын вә ајдын олмаға көмәк едәҹәк аилә илә вахт кечирмәјин он хош јолу һаггында данышаҹағыг.
- Аилә архиви јарадырыг
Ҝениш бир гуту һазырлајын вә јахынларынызла бирликдә әсл вахт капсулу јарадын. Ән чох севдијиниз аилә фотошәкилләриндән бир нечәсини чап един, хатирә сувенирләри, ојунҹаглар, севимли әтир, ушаг ҹораблары сечин - бунлар һәр шеј ола биләр, ән әсасы – әшјалар сиздә хош ассосиасијалар јаратмалыдыр. Бош бир ахшам ајырын, ушаглар вә әринизлә ејни маса архасында топлашыб мүраҹиәт јазын - һансы ҝәләҹәји арзулајырсыныз, нәјә ҹан атырсыныз, бир-биринизә нә арзулајырсыныз? Бүтүн бу “гијмәтли шејләри” истәкли гутуја јығын, скотч илә јапышдырын вә он илдән сонра ачмаға шәртләшин. Мүтләг һамы илә бирликдә!
- Ев кинотеатры
Елә ҝәлир ки, телевизор гаршысында ахшамдан даһа бајағы нә ола биләр. Анҹаг бу һеч дә белә дејил. Каналлары мәнасыз вәрәгләјәрәг сиз бир нечә саат кечирә биләрсиниз, анҹаг мараглы ибрәтамиз бир филм сечиб аиләви бахмагдан зөвг дә ала биләрсиниз. Бундан сонра сүжети мүтләг мүзакирә един, һәр кәс режиссор ролунда чыхыш едәрәк филмин сонуну дүшүнсүн, бу вә ја диҝәр гәһрәманын јериндә өзүнү неҹә апармағы тәсәввүр етсин. Нәтиҹәләр чох ҝөзләнилмәз ола биләр.
- Дүканҝәзәнләрә чеврилирик
Һамымыз билирик ки, мағазалары, дүканлары ҝәзмәк јахшы бир шеј вәд етмир. Анҹаг бәзән өзүндән ајрылыб гејри-ади шопинг тәшкил етмәк фајдалыдыр. Беләликлә, ән јахын “Үч гијмәт” форматлы мағазаны сечирик, һәр кәсә сабит мүәјјән мәбләғ вериб тапшырығы бөлүшдүрүрүк. Мәсәлән, хариҹи ҝөрүнүшү танынмаз дәрәҹәдә дәјишмәк вә ја гејри-ади отаг дизајны јаратмаг. Пулу ән јахшы хәрҹләјән вә тапшырығын өһдәсиндән ҝәлән галиб ҝәләҹәкдир.
- Ев видеосу
Бүтүн аилә илә кечмишә гәрг олмаг вә носталжи видеочархлара бахыш ахшамы тәшкил етмәк нә гәдәр хошдур. Ушагларынызын ән тәсирли шәкилләриндән слајд-шоу һазырлајын, мүхтәлиф илләрин видеоларыны монтаж един – елә ки, балаҹаларынызын неҹә бөјүдүјү ҝөрүнсүн. Јери ҝәлмишкән, валидејнләрин тојундан видео да бөјүк мараг доғурар.
давамы вар
