Уғурлу евлилијин сирри
Мүасир ҹәмијјәтдә бошанмаларын сајы артмагдадыр вә бу тенденсија әһалинин бүтүн тәбәгәләринә, о ҹүмләдән мүсәлман аиләләринә дә тохунмушдур.
Бунун бир чох сәбәбләри вар, һансы ки онлардан бири - ҝәнҹләрин бир-бирләринин характер хүсусијјәтләринә әһәмијјәт вермәдән евләнмәләринин тәләсиклијидир. Артыг евлиликдән сонра исә бирликдә јашамаг просесиндә икинҹи јарысынын хүсусијјәтләри илә гаршылашыр, ујғунсузлуглары билир вә... аилә һармонијасыны горумаг үчүн сәбр, мүдриклик, нәзакәт һисси ҝөстәрә билмирләр.
Әҝәр оғланда сизин үчүн хошаҝәлмәз характер әламәтләри тәзаһүр едирсә-шәхси кејфијјәтләр, вәрдишләр, нитг тәрзи - гызлар, билин ки, надир истисналар олмагла, бу кејфијјәтләр онларда евләнәндән сонра да галаҹагдыр. Буна ҝөрә, јухарыда ҝөстәриләнләрдән нәсә хошунуза ҝәлмирсә, евләнмәјә разы олмаға тәләсмәјин.
Сечдијиниз инсанын ҝөрүнүшүнә чох әһәмијјәт вермәјин, бу да әлбәттә ки, ваҹибдир, јахшысы одур ки, өзүнүзә суал верин: сиздә бу оғлана һөрмәт һиссләри вармы?
Бәшәријјәтин ҝөзәл јарысынын нүмајәндәләринә евләнмәдән әввәл бир сыра төвсијәләри гәбул етмәји, хүсусән ҝәләҹәк һәјат јолдашынын бир сыра ваҹиб кејфијјәтләрә саһиб олуб-олмадығыны өјрәнмәји мәсләһәт ҝөрүрүк:
1) чәтинликләрлә гаршылашанда о өзүнү неҹә апарыр: онларла барышыр вә ја принсипиаллыг вә характер ҝөстәрир? Адахлы үчүн ән ваҹиби нәдир: әдаләтли вә дүзҝүн һәрәкәт етмәк вә ја раһатлығы позмадан ахынла ҝетмәк (палаза бүрүнүб ел илә сүрүнмәк);
2) әтрафдакылара мәрһәмәт вә хејирхаһлыг ҝөстәрирми? Мүсбәт тәрәфләрини ҝөстәрмәјә еһтијаҹ олмадығы вәзијјәтдә оғланын неҹә даврандығыны өјрәнмәјә чалышын. Көмәк диләјинә ҹаваб верирми? Гоһумлары вә јахынларына, валидејнләринә гајғы ҝөстәрирми... Бу, онун сизә олан мүнасибәтини дә јахшы характеризә едәҹәкдир;
3) нә дәрәҹәдә мәсулијјәтлидир? Өзүнүзә суал верин: она етибар етмәјә, она ҝүвәнмәјә, бел бағламаға һазырсынызмы? Ҝүндәлик һәјат вә малијјә ишләриндә сөзүнә неҹә әмәл етдијини, башгаларыны тәһлүкә алтына гојуб-гојмадығыны, ишдә нә гәдәр мәсулијјәтли олдуғуну, башладыгларыны сона чатдырдығыны мүшаһидә един;
4) һәјатдан зөвг алмаг габилијјәти вармы? Бу, ваҹиб бир кејфијјәтдир, чүнки шәнлик, ҝүләрүзлүлүк вә никбин мүнасибәт инсанын әтрафында иглими формалашдырыр. Пессимизмә мејлли оланларла јола ҝетмәк чох чәтин олур.
5) емосијаларыны, һислә-рини идарә едә билирми? Әҝәр сизин севҝилиниз сөзләри вә һәрәкәтләрин хошуна ҝәлмәдији адама һирсини төкмәјә һазырдырса, һәтта хырда хошаҝәлмәзликләрә белә ҹаваб олараг гәзәб вә гыҹыгланмаја мәруз галырса, әҝәр о бағышламағы баҹармырса, сиз белә бир инсанла јашаја биләрсинизми?
Дахили сәсинизә гулаг асын, ағлыныза сөјкәнин. Бу асан олмаса да, адамы мүшаһидә едәрәк, онун һаггында мәлумат топлајараг, онун нитгини вә һәрәкәтләрини тәһлил едәрәк, онун истигамәт вә дәјәрләринин бүтөв мәнзәрәсини тәртиб етмәк олар. Онлары сечимләринизлә мүгајисә едәрәк әсас суала ҹаваб верәрсиниз: “она әрә ҝетмәк олармы?”.
Сон мәсләһәт:
Белә фикир јајылыб ки, әрә ҝетмәк һәр гызы дәрһал хошбәхт едир. Анҹаг сиз инди, евләнмәдән әввәл пессимизм вә һәјатдан наразылыг дүнјасына гәрг олмусунузса, онда сиз бу ишдә мәсулијјәтинизи дәрк етмәли вә дахили проблемләринизин һәллини һәјат јолдашынызын чијинләринә гојмадан вәзијјәти дүзәлтмәлисиниз.
