Балаҹа Рамазанын Рамазан ајы илә танышлығы

Бу ҝүн мәтбәхдәки сәсдән кичик Рамазан јухудан тез дурмушду.

- Ана, ата, бу ҝүн сиз белә тез нијә јејирсиниз? – дејә кичик Рамазан тәәҹҹүблә сорушду, ахы, о билмирди ки, мүгәддәс ај вә оруҹлуг вахты ҝәлиб.

- Мәҝәр сән билмирдин ки, мүгәддәс Рамазан ајы ҝәлиб, бүтүн мүсәлманлар оруҹ тутмалыдырлар, - Рамазан тәәҹҹүблү үзүнә бахараг анасы деди. - Һәм дә мәсҹидә ҝетмәлидирләр, - атасы әлавә етди.

- Мәсҹидә биз онсуз да һәр ҝүн ҝедирик, - Рамазан даһа да чох тәәҹҹүбләнди. - Биз сәнинлә һәлә тәравиһнамаза ҝетмәмишик, - деди атасы. - Тәравиһ? Бу нә намаздыр вә нијә сиз әввәлләр мәнә онун һаггында демәмисиниз? – инҹиди Рамазан.

- Сән инҹимә, - валидејнләр ону сакитләшдирмәјә башладылар.

– Тәравиһ – 8 јахуд 20 рәкәтли сүннәт-намаздыр ки, ону Рамазан ајында иша намазындан сонра мәсҹиддә елликлә (коллектив сурәтдә) гылырлар, - дејә атасы она изаһ етди.

- Рамазан, сән бу ҝүн оруҹ тутмаг истәјирсәнми? – сорушду анасы. - Бәли, әлбәттә, истәјирәм, - дејә Рамазан севинҹлә гышгырды. - Онда нијјәт елә, је, сонра исә атан Мүгәддәс Рамазан ајы һаггында сәнә данышар, - дејиб анасы сүфрәјә јемәк гојмаға башлады. Атасы она нијјәт етмәји өјрәтди, онлар једиләр, сәһәр намазы гылдылар, вә атасы она Рамазан ајы һаггында данышмаға башлады.

-Рамазан ајы, - башлады ата, - мүсәлман ҹәмијјәтимиз үчүн бәрәкәтдир. Бу ајда бүтүн мүсәлманлар оруҹ тутур, тәвариһ намазы гылмаг үчүн мәсҹидә ҝедирләр. Мүслимдән һәдис вар ки, орада дејилмишдир: “Ҹәннәтдә Рәјјан адланан гапылар вар. Орадан јалныз оруҹ тутан адамлар ҝирәҹәкләр”. Һәм дә бу ајда мүсәлманлар сәдәгә пајлајыр, өз валидејнләринә көмәк едир, доғма вә јахынларына баш чәкирләр. Бу ајда өз гардаш вә баҹыларыны севиндирмәјә чалышмаг, онлара јалныз јахшылыглар арзуламаг лазымдыр, онлары инҹитмәк олмаз.

Доғрудан да, Рамазан ајы – үммәтимизин ајыдыр. Мүсәлман оруҹ тутанда гејбәт еләмәмәли, јалан демәмәлидир. Бу узун вә исти јај ҝүнүндә оруҹ тутмаг үчүн Аллаһ сәнә сәбр вә иман версин, оғлум. Һәгигәтән, ҹәһәннәмдә исти јер үзүндәкиндән јүз дәфә ҝүҹлүдүр, - бунунла ата өз сөһбәтини битирди.

- Чох сағ ол, ата, бу чох мараглы иди, - Рамазан тәшәккүр етди. – Мән чалышаҹағам ки, оруҹу бурахмајым вә һәр ҝүн мәсҹидә тәвариһ намазына ҝедәҹәјәм. Мән сизә көмәк едәҹәјәм ки, сиз мәндән разы оласыныз, вә, демәли, Аллаһ да мәндән разы галаҹаг. - Афәрин, оғлум, јалныз Аллаһа үмид ол, һәгигәтән јалныз О, сәнә көмәк едә биләр. Һәгиги мүсәлманлар олмаг үчүн Аллаһ бизә гүввәт вә сәбир версин. Мәгалә Исламдаг.ру сајтындан ҝөтүрүлүб тәрҹүмә олунубдур