Sirat köprüsü
Arsızlıq edərək qəh-qəh gülənə
Deyirik Siratı keçmədin ki, sən.
Bu qədər sevincə nədir bəhanə
Şərabdan, araqdan içmədin ki, sən.
Həyatda nə qədər körpü görmüşük
Körpülər üstündən keçirik hər gün.
Sevincli-əzablı ömür sürürük,
Növbəylə dünyadan köçürük hər gün.
Sirat körpüsünü keçmək üçün biz
Mütləq olmalıyıq əməlisaleh.
Yaxşını yamandan seçmək üçün biz
Yalnız ibadətə olalım valeh.
Sirat körpüsünü asan keçməkçün
Dünyadan yaxşılıq aparmalıyıq.
Bizə vaxt verilib düzü seçməkçün
Olsun əməlimiz möminə layiq.
