Ана, бизә Исламдан даныш!
әввәли гәзетин өтән сајында
Биз гәдәрә (алын јазысына, талејин габагҹадан мүәјјән едилмәсинә) инанырыг.
Гәдәрә инанмаг – бу, она инанмагдыр ки, Каинатда баш верәнләрин һамысы, истәр јахшы, истәр пис олсун, истәр инсан әмәли ја да һејван һәрәкәти олсун, истәр тәбиәтдә јахуд да ҹәмијјәтдә баш верәнләр олсун, - һәр шеј Бөјүк вә Уҹа Аллаһын ﷻ ирадәси, билији вә гүдрәти илә баш верир. Һәр шеј ондан баш верир ки, бунлары Аллаһ ﷻ јаратмыш, вүҹуда ҝәтирмиш, хәлг етмишдир. Мүсәлманлар она инанырлар ки, Јараданымыз пејғәмбәрләри инсанлара хејири шәрдән ајырд етмәк, фәргләндирмәк үчүн ҝөндәрмишдир. Буна ҝөрә дә һәр бир балаҹа (ушаг) вә һәр бир бөјүк (јашлы) адам өзү үчүн хошуна ҝәләни сечә биләр: јахшылыг еләмәк вә һәмишә Аллаһла ﷻ олмаг ја да шәри севмәк вә Ҹәһәннәмә дүшмәк. - Анаҹан, бүтүн бунлар елә мараглыдыр ки, сән бизә даһа нә данышаҹагсан, биз јенә истәјирик, - дедиләр Салеһ вә Фатимә. - Балаларым мәним, мән сизә иһсандан данышаҹағам. Иһсан сәмимилик, камилликдир. Севимли Пејғәмбәримиз Мүһәммәд ﷺ ондан иһсан һаггында сорушанда демишди:
“ Иһсан – өз Рәббинә – Аллаһа елә ибадәт етмәкдир ки, санки сән Ону ҝөрүрсән. Сән Ону ҝөрмәсән дә, О исә сәни һәмишә вә һәр јердә ҝөрүр”. - Мәним ағыллы балаларым! Аллаһ ﷻ һәмишә бизи изләјир, ҝөз јетирир. Бизим јер үзүндә елә јер јохдур ки, сиз Ондан ҝизләнә биләсиниз, буна ҝөрә дә пис һәрәкәт етмәјин. Лакин әҝәр сиз нәсә бир пис иш ҝөрсәниз – мүтләг Аллаһдан бағышланмағынызы диләјин. Рәббимиз ондан бағышланмасыны диләјәнләри вә үрәкдән (сәмимијјәтлә) өз сәһвиндән пешман оланлары севир. - Ана, мән һәмишә Аллаһы ﷻ јадымда сахлајаҹағам вә һәмишә сәнә гулаг асаҹаг вә көмәк едәҹәјәм, вә Аллаһ ﷻ мәндән разы олаҹагдыр, - деди Салеһ. - Мән дә, - деди Фатимә вә анасынын әлини тутду. Салеһ вә Фатимә мәктәбдән гајытдылар, ана онлар үчүн дадлы наһар (ҝүнорта јемәји) һазырлады вә масаја (стола) чағырды. Фатимә вә Салеһ јемәкдән габаг әлләрини јудулар вә “Бисмилләһи-р-рәһмани-ррәһим” дедиләр вә јемәјә башладылар. Јејиб гуртарандан сонра онлар “әлһәмдүлилләһ” дедиләр.
- Әзиз ана, бизә Мүһәммәд Пејғәмбәрдән ﷺ даныш, биз онун һаггында чох билмәк истәјирик, - дедиләр бир јердә Фатимә вә Салеһ. - Әлбәттә ки, данышаҹағам, мәним кичик балаларым. Сиз бизим планетимиз Јер үзүндә бир заман јашајан инсанлардан ән јахшысы һаггында биләҹәксиниз. Онун ады Мүһәммәд, атасынын ады Абдулла, анасынын ады исә Әминә иди. Аллаһы Рәсулу r, мүгәддәс Кәбәнин јерләшдији Мәккәдә базар ертәси сәһәр рәбиүл-әввәл ајынын 12-дә, фил илиндә доғулмушдур. Бу, 571- ҹи илдә олмушдур. Мүһәммәд јетим доғулмушдур. Атасы Абдулла о һәлә дүнјаја ҝәлинҹә вәфат етмишдир. Мүһәммәд өз анасы илә дә чох јашамамышдыр. Алты јашына чатанда онун анасы Әминә вәфат етмишдир. Онун вәфатындан сонра тамам јетим галмыш Мүһәммәди онун бабасы Абдул-Мүттәлиб тәрбијә етмиш, бөјүтмүшдүр. О, нәвәсини чох севир вә онун гајғысына јахшы галырды. Мүһәммәдин ҹәмиҹүмләтаны сәккиз јашы оланда бабасы да өлүр. Вә оғлан атасынын Әбу Талиб адында гардашы илә јашамаға башлајыр.
Мүһәммәд ﷺ – Аллаһ үчүн јер үзүндәки инсанлардан ән истәклиси, ән әзизи, ән һөрмәтлиси вә ән јахшысыдыр. Она Мүгәддәс Гуран вәһј олунмушдур. Онунла ән фөвгәладә, ҝөрүнмәмиш, гејри-ади мөҹүзәләр вә һәјәҹанландыран, валеһедиҹи һадисәләр баш верирди. Мүһәммәд Пејғәмбәр ﷺ – һамы үчүн шәфгәт, мәрһәмәтдир. О, аләмләр Рәббинин бүтүн әмрләри јазылмыш Гураны чатдырмышдыр. Вә бу, Аллаһын ﷻ Мүһәммәд Пејғәмбәрә ﷺ вердији мөҹүзәләрдән ән бөјүјүдүр. О, бизә Аллаһын ﷻ дини –Исламы чатдырмышдыр. О, сонунҹу пејғәмбәрдир, даһа артыг пејғәмбәрләр олмајаҹагдыр. Мүһәммәд ﷺ бизим үчүн ән севимли, ән јахшы, ҹүрәтли, сәхавәтли, хејирхаһ, әзиз, гәшәнҝдир. Ән ҝөзәл хасијјәт ондадыр.
Истәкли Пејғәмбәримизин ﷺ једди өвлады олмушдур – дөрд гызы вә үч оғлу: Гасим; Зејнәб; Ругијјә; Фатимә; Үммү Ҝүлсүм; Абдуллаһ; Ибраһим. Сонра Мүһәммәд ﷺ Мәдинә шәһәринә көчмүшдүр. Орада о, бу дүнјаны тәрк етмиш вә онун гәбри – рөвзәси ордадыр. Һәр бир мүсәлман нәинки Исламын бүтүн рүкнләринә риајәт етмәјә борҹлудур, һәм дә һәр шејдә истәкли пејғәмбәримиз Мүһәммәдин ﷺ нүмунәси вә нәсиһәтләри, ҝөстәришләри јолу илә ҝетмәјә чалышмалыдыр. Балаҹа Фатимә бу сөһбәтә чох шад олду. - Мән Аллаһы ﷺ вә Онун пејғәмбәри Мүһәммәди ﷺ чох севирәм, вә мән һәмишә јахшылыг етмәјә вә Онун әмрләрини јеринә јетирмәјә чалышаҹағам. - Мән дә һәмишә јахшылыг еләјәҹәјәм вә сәнә гулаг асаҹағам, анаҹан, ахы, мән мүсәлманам, - дејә Салеһ гејд етди.
ЈУЛИЈА ЗАЧЕСОВА
