Ана вә бала – тәрбијәдә сәһләнкарлыг
Ана вә бала – тәрбијәдә сәһләнкарлыг
әввәли гәзетин өтән сајында
Сәһләнкарлыг көкләри
Валидејнләрин чох вахт чүрүк вә дәһшәтли бар верән сәһләнкарлыг көкләри һардадыр? Чох вахт бу көкләр – валидејнләрин бејниндә үстүнлүк тәшкил едән фикирдәдир ки, тәхминән белә ҝөрүнүр: “Мәҝәр бизим, диндар вә мүттәги валидејнләрин динсиз өвладлары ола биләрми?” Билирсинизми... чох вахт олур.
Вә бу, бөјүк мәғлубијјәтдир. Өвладлар сизин табечилијиниздән чыхынҹа сиз билә дә билмәзсиниз ки, онларын үрәкләри ибадәтдә сәмимиликдән нә гәдәр узагдыр, чүнки сиз мәҹбур едәнләрин һамысыны онлар горхудан вә ја өзүнү ҝөстәрмәк истәјиндән едәҹәкләр. Амма сонра сиз јаваш-јаваш ҝөрәҹәксиниз ки, неҹә сизин јенијетмә јашына чатмыш өвладларыныз бир-биринин ардынҹа фәрзләри гојурлар. Ин шә Аллаһ, белә гисмәт биздән јан кечсин, анҹаг тәәссүф ки, о, реал, һәгигидир вә биз әтрафымызда буна охшар чох мисаллар ҝөрә биләрик. Мүттәги (Аллаһдан горхан) нәсил јетишдирмәк үчүн валидејнләрин диндарлығы кифајәт дејил. Бу мәсәләни һәлл етмәк исә чох ваҹибдир! Вәфатымыздан сонра Әбәдијјәтдә вәзијјәтимизә өзүмүздән сонра неҹә нәсил гојаҹағымыз бизә тәсир ҝөстәрәҹәкдир. Иманлы өвладлар јетирмәк – бөјүк зәһмәтдир.
Тәрбијәчи иши
Һәр бир иш кими, мәнәви вә диндар өвладларын тәрбијәси - вахт, ајдын гојулмуш мәгсәд вә план тәләб едир. Көрпәнин рүшејм анындан миссијанызын һәјата кечирилмәсинә јардым ҝөстәрә билән һәрәкәтләрә башламаг лазымдыр. Мүасир тәдгигатлар көрпәјә Гуран охумаға һәлә ана бәтниндә икән башламағын мәгсәдәујғун олмасы версијасыны тәсдигләјиб. Мүгәддәс Китабын ҝөстәрдији тәсир ҝүҹүнүн гијмәтини дәјишмәк олмаз. Гој өвладыныз көрпәлик вә ушаглыг дөврләриндә мүнтәзәм сурәтдә Гуран охунмасыны ешитсин. Ушаглыг тәәссүратлары чох ити олур. Гој өвладынызын ушаглыг һаггында хатирәси Гуран олсун. Ешитмәјә арзуладығы лај-лај (бешик маһнысы) һәмишә гој Мүгәддәс ајәләрин охунмасы олсун. Она данышын ки, Аллаһ-Тәала ону анасы вә атасындан чох севир. Дејин ки, сиз Аллаһы өвладларынызын һамысындан чох истәјирсиниз. Онлар баша дүшмәјә биләрләр ки, нијә беләдир, - онлара мисалларла изаһ един ки, Јараданын Өз гулларына севҝиси нәдә тәзаһүр олунур. Евиниздә вә әтрафынызда баш верән һәр шејдә, онларын кичик вә мараглы һадисәләрлә долу һәјатында дин дәрсләри ҝөрмәјә онлара көмәк един. Онлара “мәнәви ҝөрмә ејнәји” бағышлајын, һәр бир вәзијјәтә дин нөгтеји-нәзәриндән бахмағы, гијмәтләндирмәји өјрәдин. Һәлә ки онлар јашҹа кичикдир вә һәмишә јаныныздадырлар, бу јахынлыгдан истифадә един. Онлар јаша долан гәдәр сиз чох сәј ҝөстәрмәли олаҹагсыныз: пычылтыјла дејилә вә онларын гулаг аса биләҹәкләри јердә бәрк данышмаг, чығырмаг лазым олаҹаг... өвладларынызын тәрбијәсинә даир лагејд, гајғысыз, сәһләнкар олмајын, чүнки бу, лагејдсизлијин, сәһләнкарлығын ән дәһшәтли нөвүдүр.
Өвладлар елә шириндир ки, бу, јашлы инсанын ән јахшы севинҹидир. Садәҹә олараг онларын ојун-әјләнҹәсинә бахыб нә гәдәр истәсән һәзз алмаг олар. Биз онлара арзуларымызы јөнәлдиб үмид бәсләјирик. Һәр бир өвлад ҝөзәл вә камиллијә јахындыр, вә инанмаг мүмкүн дејил ки, о, ҝүҹлү иманлы шәхс кими бөјүмәсин. Инанмаг мүмкүн дејил. Анҹаг белә олур. Вә һәтта әҝәр сиз чох чалышыб лагејд олмасаныз да, һәр һалда салеһ нәсил – Аллаһын Мәрһәмәтидир вә сиз дәрин,сәмими, даими дуаны унутмамалысыныз ки, - бу мәрһәмәт сизә дә ҝөстәрилсин. Өвладымызын дин тәрбијәчиси ролунун өһдәсиндән ҝәлә билмәмәк баҹарығынын зәрбәсини алмағы һеч вахт Аллаһ бизә ҝөстәрмәсин! Белә уғурсузлуг неҹә дә дәһшәтлидир!
Гој Аллаһ бизә Ҹәннәтдә ҝөрүшмәк имканы версин вә гој орада биз мөмин, салеһ нәслимизин әһатәсиндә олаг, ин шә Аллаһ. Амин.
